Popular Bible Verses from रोमियों 11

Share

जिथुकै सौब ठुँ पौरमेशवर शै आंव। तैणै सौब ठुँ बाणै राए, औरौ सौब ठुँ तैसकौ ही औसौ। तैसकै महिमा जुग-जुग हौन्दै रौंव। आमीन।

आहा, पौरमेशवर कै अनुग्रह का धन औरौ बुध्‍दि औरौ ज्ञान कैतरै गंभीर औसौ! कुणिए बै तैसकै फोयसलै कै बखान ना कौरे सौकौ; औरौ ना ही कुणिए तैसकै बाटो कै जाणै सौकौ!

“प्रभु कै विचारो कै कुणिए बै ना जाणै सौकौ, औरौ ना ही कुणिए तैसका सलाहकार बौणै सौकौ

ऐशैखैई ऐसी सौमय बै, पौरमेशवर कै अनुग्रह शै दैणिक यहूदी लोग औसौ जिनुकै पौरमेशवरे आपणै साची लोगौ कै रुप दै चोणे राए। पौरमेशवर का तिनु चुणणा अनुग्रह लैई हौए रौआ, ऐजौ भले कामौ खै कौरणौ कै दवारा ना होई रैई। पौरौ जै कामौ कै दवारा औसौ, तौ अनुग्रह तोबै अनुग्रह ना रोई।

इस्राएल कै लोग ऐक आछै जैतून कै डाल़ो कै डाल़ी कै जैशणै औसौ औरौ पिता अब्राहम, इसहाक औरौ याकूब तैसी डाल़ कै जड़ कै जैशणै औसौ। बैगानै यहूदी लोग जोंगली जैतून कै डाल़ कै डाल़ी औसौ, जू कलम कौरेयौ तिनु काटैयौंदी शाई कै जौगैह दी तैसी डाल़ दी लाए राए, ऐबै सैजी शाई तैसी जड़ कै खुराक कै हकदार औसौ। तौ तुऐं आपी कै तिनु काटैयौंदी शाई शै बौढ़ेयौ ना सौमझौ। जै तुऐं बौढ़ेयौ सौमझौ, तौ याद राखौ कै तुऐं जड़ कै ना संभाल़ो, बल्कि जड़ ही तुऔंखै संभाल़ो।