Popular Bible Verses from प्रेरितो कै काम 11

Share

औरौ जोबै तिनुआरी भैटिया तौ तैसी अन्‍ताकिया शहर दा लोऊवा, औरौ ऐशैखै हौं कै शाऊल औरौ बरनबास ऐकी सालो तौड़ी कलीसिया कै साथी भैटिंदा औरौ बौहितै लोगौ खै प्रभु यीशु कै बारै मुंजी बौतांदा रौआ, औरौ चैलै सौबी दै आगै अन्‍ताकिया शहर दै ही मसीह जाणै गौवै।

बरनबास तिथै पोंचैयो, औरौ पौरमेशवर कै अनुग्रह खै दैखैयो खुशी हौआ; औरौ सौबी खै उपदैश बौतांदा लागा, कै तन मन लायौ प्रभु शै लिपटै रौंव। बरनबास ऐक आछा आदमी थिया, औरौ पवित्र आत्मा औरौ बिशवाश शै भौरेयौंदा थिया, औरौ औकै भौरिशै लोग प्रभु आरी मिलै गौवै।

औरौ इथकारिए पौरमेशवरे तिनु बै सैजाई दान दैय राए, जू आमु प्रभु यीशु मसीह पांदी बिशवाश कौरणौ शै भैटी रौआ; तौ हांव कुण थिया जू पौरमेशवर कै रौकै सौकु थिया?” ऐजौ शोणेयो सैजै यहूदी बिशवाशी चुपी रौवै, औरौ पौरमेशवर कै बौड़ाए कौरेयौ बौलदै लागै, “तोबै तौ पौरमेशवरे बैगानै यहूदी कै बै सौदा की जिन्दगी पाणौ कारिए यीशु मसीह पांदी बिशवाश कौरणौ का दान दैय राए।”