Popular Bible Verses from रोमियो 12

Share

जां इस संसारैरा मैहणुवां सैयि मेईं बणा; पण तुवाड़ै सोचणैरा तरीका परमेश्वर बदली दिया, ताकि तुवाड़ा चाल-चलन बि बदलता गहिया; जेनि ला तुवे परमेश्वरेरी भली, अच्छी जां सिद्ध ईच्छा जांणनेरी कोशिश कातै रिय्हा।

ऐठणीरै तेईनी मिंडै विश्वासी भाईयो, परमेश्वरेरी महान दयाय ला आंउ तुहां सिंउ विनती काता; कि तुवे अपांणा जीवित, पवित्र जां बधिया बंणा करि परमेश्वरानि बलिदान करि करि चाढ़ा; परमेश्वरेरी सेवा कांनेरा ऐहै सही तरीका।

असु किनि जै उम्मीद आ, तेसेरी वजहि ला आनन्द मना; परेशानियां मझ सब्र रखा; प्रार्थना कातै रिय्हा।

बुराई ऐपु प्रन जितणा मेईं दिया, पण भलाई करि करि बुराई पन जीत हासिल करा।

परिवारा सैयि योकिया सिंउ प्रेम कातै रिय्हा; जां होरनियां केरा ऐपु किना बधि करि आदर करा।

होरनियां सिंउ प्रेम कांनेरा दिखावा मेईं करा; बुराई सिंउ नफरत करा, जां जै अच्छु आ, सैक्यु लगातार कातै रिय्हा।

अगर भौ सकतु ता सभनियां सिंउ शांति सिंउ बेशणैरी कोशिश करा।

विश्वासी भाईयो, तुवे ऐपु बदला मेईं ल्या, पण तैस परमेश्वरेरै गुस्सै पन छडि देया; केईनी कि पवित्र शास्त्रा मझ प्रभु बोलता, बदला लींणा मिंडा कंम आ, मूं बदला लींणा।

तकड़ी मैहनत करा जां आलसी मेईं बंणा; पूरै दिल सिंउ प्रभुरी सेवा कातै रिय्हा।

केईनी कि आंउ तेनी अनुग्रह ला जै मूंनी मेऔरा, तुहां मझियां सभनियां सिंउ बोलता कि जिहीं समझणु चेहिंथु, तैस किना बधि करि कोई बि अपड़ै आपा ना समझिया; मतलब ज्योता विश्वास परमेश्वरै तुहांनि दितौरा, तेठणिरै अनुसार-ऐ अपांणा समझा।

बुराईरै बदलै कोसकेरी बुराई मेईं करा; जै गलै सभनियां मैहणुवां केरै तेईनी ठीक अत्ति, तेन्हैरी चिंता करिया करा।

योकिया केरा तेतिया-ऐ ध्यान रखा, जेतिया तुवे अपड़ा रखतै; घमण्ड मेईं करा, पण दीन-दुखिया सिंउ मिलतै-जुलतै रिय्हा; ऐपुनि बुद्धिमान मेईं समझा।

जिहीं कि पवित्र शास्त्र बि बोलता, अगर तुवाड़ा दुशमण भ्रुख्णां, ता तेसनी रोटी खला जां अगर सैक्या त्रिशणा, ता पांणी पिवा; केईनी कि ऐहीं कांने ला तैस ताउ किना लज्ज भूंणी।

जै तुहां संतातै तैन्हांं केरै तेईनी आशीष देया, पण श्राप मेईं देया। आनन्द मनांणारै सिंउ आनन्द मना, लैरी दींणारै सिंउ लैरी देया।

परमेश्वरेरै मैहणुवां केरी जरुरतिरै तेईनी दान दियां करा जां मेहमाना केरा आदर कांनेरै तेईनी हर-टैंम तियार बेशा।

केईनी कि जिहीं चारै असेड़ै एकि शरीरा मझ बड़ै अंग भूंतै, पण सभनियां केरा कंम अक जेतिया ना भूंता। तिहियें-चारै असै बि जै मसीह मझ विश्वासी अत्तै, सारै जंणै मसीहरै शरीरेरै अंग अत्तै जां सारै योकिया सिंउ जुड़ौरै अत्तै।