Popular Bible Verses from इब्रानियों 6

Share

जिहीं अक बडी मैखी सिंउ बंन्होरी रशी किश्ती अडौल जां मजबूत बंणा रखती, तिहियें ऐ उम्मीद असेड़ै जीवना अडौल जां मजबूत बंणा रखती। जैस मझ असेड़ि आशा आ, सै यीशु आ; सैक्या स्वर्गा मझ महापवित्र जगाय मझ परमेश्वरा किनि ग्या।

जिहीं तुहैं अच्छै कंम क्यौरै अत्तै जां ऐम्हीं बि तुवे परमेश्वरेरू नाँईयां मझ परमेश्वरेरै मैहणुवां केरै तेईनी प्रेम सिंउ सेवा कातै अत्तै; ता परमेश्वरा तुवे ना भूलणै, केईनी कि सै धर्मी आ।

ता फिरी ऐड़ि दो गलै अत्ति- तेसैरी प्रतिज्ञा जां तेसैरी कसम; जै कदि बदली ना सकती, जैन्हां केरै बारै मझ परमेश्वर कदि झूठ ना बोलि सकता। ऐठणीरै तेईनी असै जै परमेश्वरा किनि नीड़ अपांणा बचांणेरै तेईनी यौउरै अत्तै जां जै उम्मीद तेनी असुनि दितोरी आ, तैस पकड़ी करि, बड़ै जादा उत्साहित अत्तै।

ऐठणीरै तेईनी ऐईछा जै असै पेहिली बारी मसीहरै बारै मझ शिख्रोरू थियु, तैन्हांं बुनियादी शिक्षाईया दोहरांतै मेईं रिय्हा; पण असै परिपक्व शिक्षायरै बारै मझ विचार-विमर्श करिया। असुवां ऐन्हां गला केरी फिरी दुबारै किना शुरूआत कांनेरी जरूरत ना, कि अपड़ै बुरा कंमा किना पश्चाताप किहीं कांना चेहिंथा, जां परमेश्वरा पन किहीं विश्वास रखणा चेहिंथा।