Popular Bible Verses from इब्रानियों 10

Share

असु परमेश्वरेरी अराधना कांनेरै तेईनी किठियूंणु ना छडणु चेहिंथु, जिहीं किछ मैहणु कातै अत्तै; पण असु योकियानि होरी जादा जोश सिंउ हिम्मत दींणी चेहिंथी, केईनी कि असु पता, कि प्रभु जल्दी ऐईंणारा।

ऐईछा, असै योकिया केरै तेईनी प्रेम सिंउ बेशणेरै तेईनी जां अच्छै कंम कांनेरै तेईनी योकिया केरी हिम्मत बधींतै रिय्हा।

जां जैस आशायरा असै अंगीकार क्यौरा, तैस मजबूती सिंउ पकड़ी करि बेशा; केईनी कि असै परमेश्वरा पन तेसेरै वायदै पूरै कांनेरै तेईनी भरौसा कातै।

ऐम्हीं तुहां सब्र सिंउ सहन कांनेरी जरूरत आ, ताकि तुवे परमेश्वरेरी ईच्छा पूरी कातै रिय्हा। तां तुहांनि सै सभ किछ मेईया, जैस दींणैरा वायदा परमेश्वरै क्यौरा।

ता ऐईछा असै खून छिड़कि करि अपड़ै मंन शुद्ध करि-करि जां साफ पांणी ला अपड़ा शरीर धौ करि जां सच्चै मंन सिंउ जां पक्कै विश्वासै सिंउ परमेश्वरा नीड़ गांहथै।

ऐठणीरै तेईनी अपड़ा विश्वास मेईं छडा, ताकि तुहांनि परमेश्वर अक बड़ा-बडा ईनाम दिया।

असुवां ऐक्यै कंम कांने चेहिंथै, केईनी कि खुशखबरिरी सच्चाई जांणना किना बाद, अगर असै हैरीबुझि करि पाप कातै, ता ऐतिया कोई बलिदान बाकि ना, जै असेड़ै पाप दूर करि सकिया। पण तैन्हांं पापा किना डरि करि परमेश्वरा ऐईंणैरी भा कांनी चेहिंथी, कि परमेश्वर ऐईछी करि तैन्हांं केरा न्याय करिया जां जै तेसेरै विरोधी अत्तै, तैन्हांंनि भड़कोरी आगी मझ सजा मेईया।