Popular Bible Verses from गलातियों 4

Share

केईनी कि असै परमेश्वरेरै बच्चै अत्तै, ऐठणीरै तेईनी परमेश्वरै अपड़ै पुत्रैरा आत्मा असेड़ै दिला मझ भेईजौरा; जै आत्मा परमेश्वरानि “हे अब्बा, हे पिता बोलि करि हक दींता।” ऐठणीरै तेईनी अबै असै गुलाम नत्तै; ऐठणीरै तेईनी केईनी कि असै परमेश्वरेरै बच्चै अत्तै, ता तैस असुनि सभ-किछ दींणु जै तैस किनि तेसेरै बच्चा केरै तेईनी आ।

पण जेख्णी सही टैंम या जेसैरी योजना परमेश्वरै बंणाउरी थी, ता परमेश्वरै ऐपु अपड़ा पुत्र ऐस संसारा मझ भेईजा जां तेनी मैहणुरै रूपा मझ जन्म लियौरा थ्या। सै यहूदी पेईदा भौ करि, मूसेरी व्यवस्थायरै आधीन ऐठणीरै तेईनी रिय्हा, ताकि सैक्या असु बचा सकिया, जै मूसेरी व्यवस्थायरै आधीन जीवन जींतै थ्यै जां तेनी असै गोद लै करि अपड़ा बच्चा सैयि अपड़ै बंणा ल्यै।

पण अबै ता तुवे परमेश्वरा जांणतै, बल्कि परमेश्वर तुहां जांणता; ता तुवे तैन्हांं कमजौर जां बिना मतलबै बाई परम्पराईया पिचोरै गुलाम बंणी करि केईनी गांहथै अत्तै? क्या तुहां दुबारे किना फिरी तेन्हैरा गुलाम बंणनेरी ईच्छा आ?