हे तीमुथियुस, आंउ चांहथा आ कि ताउ ऐ पता लगी गहिया, कि यीशु मसीह वापस ऐईंणा किना पेहिलै लाष्ट धियाड़िया मझ बड़ा कष्ट दींणै वा टैंम भूंणा। केईनी कि मैहणु सिर्फ अपड़ि-ऐ चिन्ता कांनार भूंणै, लालची भूंणै, बुड़खै मांनार भूंणै, घमण्डी जां होरनियां केरी बुराई कांनार भूंणै। तैन्हांं अपड़ै मयि-बबेरा आदर ना कांना, एहसान ना मनणार जां अपवित्र, दया ना कांने बाऐ, माफ ना कांनार, चुगलखोर, तल्खी कांनार, बुराई कांनार, धोखैबाज, ढींठ भूंणै जां अपांणा होरनियां किना अच्छा समझणार भूंणै। सै परमेश्वरेरै ना पण ऐशौ-आरामा सिंउ प्रेम रखणार भूंणै। तैन्हांं भक्त भूंणैरा दिखावा कांना, पण तैन्हांं तैस शक्तिरा नमां करि दींणा, जै तैन्हांं परमेश्वरैरा भक्त बंणा सकती; ऐतिया मैहणुवां किना दूर बेशा।