Popular Bible Verses from TITUX 1

Share

Viang kix ah tawng ka Siyiex kawx, kix thiang ti tik Nawh ka ceu pa yuh tix, kheu mawh kix pa khreeing mai pa ang chix cu nghiet mai pa ang koe bwanson tidtix ka son pa yuh kaing ceu pa mhawm heue.

Ka pui pa singax kuceu khawmuik mawh pa singax heue. Ka kix pa seeing brai, pa ang yum rhawm, tix ceu kawx ang singax, rhawm kix mai khawm dee chix keud tawng kix mawh pa seeing brai heue.

Tak lai mawh pui pa giex ka gumlox sijax mukheu pa khaw mai pa gau, son sang mawh nawh pa chix jeeh nyaw ka lox gau pa mawh pa meh, sonsang chix pawk lox ka pui pa kieh pa thiang khankix heue.

Pui pa mawh cao giex kaing ceu cao, tak lai mawh pa ang koe dee deuh phimap kah, awm mawh kawncau pa priex kraung Siyiex, pa ang nieb hawt alo tokaux tix, pa ang dawd rhawm, pa ang nieb pleung ka plai rawm plix siiet, pa ang nieb tap ngah pui mai pa ang keud ti pon mau yie daux krax pa ang khaw. Tak lai mawh pa chix khre ka nyo sinie, pa moh ka pa mhawm, pa chix keud ti priex rhawm tix, pa rahsee, pa singax, pa chix priex rhawm tix heue.

Phan pui tix kaux kaux koe, pa ang koe dee deuh phimap kah, pa koe moeng tix kaux khaing, pa koe kawn praix pa yum rhawm, pa ang pui deuh phimap ka grawng pa cuci pa lawh maw, ka pa ang chix cu nghiet, ciak ti deuh pa yuh nan heue.