Popular Bible Verses from ROMAX 4

Share

Viang mawh nan nawh ang keud jee keud blaong ka grawng lox mukheu Siyiex, kheu krax ang yum rhawm, viang mawh nan nawh pon sibrawm kheu krax yum rhawm tix mai yaog yaw ka Siyiex, mai nawh vah rhawm grawng Kaw pa tawx lox mukheu an, mawh Kaw pa koe sibrawm ti chix yuh heue.

Awm pa hoik tiiem ah nin, “Aux hoik ciak ti kieh maix mawh keeing ceu pui tom nie heue.” ka sivoe Siyiex pa yum rhawm nawh kah, pa mawh Kaw pa kieh pui yum deeh im mai pa grux krai grawng ceu pa ang nyang bax mawh, awm pa hoik mawh heue.

Hoik tawx Simiang Yesux an kheu phimap mai hoik kieh deeh kaoh im, sonsang kieh ex hoek krax rahsee heue.

Viang Abraham ang koe dee keud pot jun pot, grawng sang mawh nawh keeing ceu pui tom nie, nawh ca keud pot jun pot mai yum rhawm grawng sang mawh awm pa hoik grux krai ah nin, “Doeh ru maix tak mawh nan heue.”

Mawh kheu grawng in, pa rahsee tak mawh kheu krax yum rhawm, sonsang mawh kheu bwanson mai sonsang kaux lox mukheu ka ru khawmuik khawm leeing. Ang joeng mawh ngie ka ru pa dex mai lox lai beenli, mawh ka khawm ru pa dex mai krax yum rhawm Abraham, pa mawh keeing ex khawmuik.

pa ah nin, “Kix pa pon pa pluat ploi phimap tix mai pa hoik kheem phimap ting bwanson heue. Pui pa luan khaing pa mhai deuh Siyiex phimap nawh ting bwan son heues.”

Grawh grawng nawh Phuk lai sigang khri ah ka mawx? “Abraham hoik yum rhawm ka Siyiex mai hoik sawn mawh pa rahsee son nawh heue.”