Popular Bible Verses from ROMAX 16

Share

Khaix in ang lai rheung, Siyiex pa tawx krax nhim tak sang teei Satan tix kieh nawh khlaix vid greem caong pex heue. Kieh bwanson Simiang ex Yesux Khrit ot tau mai pex liak.

Puxaik khankix eue, aux khyox khaw ka pex, een ti tawng ka kix pa kieh koe krax tang gwieh paox tix mai dee sang lud pa ang khaw mai lox gau pa hoik gau pex kah mai veeh ti hu khaing kix heue.

Grawh grawng nawh kix pa awm kix khankix, mawh pa ang yuh son Simiang ex Cao Khrit, viang mawh nan kix keud son vaig tix khaing mai kix chix pie lhen ka rhawm kix pa ang koe dee lud, ka lox nyawm lox ghoik nyaw kix heue.

Yam in ka Kaw pa chix kieh pex kaux cong, awm pa khaw mai lox bwan gaux rhawm aux, pa mawh pa sidiex grawh grawng Yesux Khrit, awm pa khaw mai pa hoik plak kieh yaox ka pa raux pa mox tom ju di dix, viang mawh nan pa hoik plak jhi sidawng yam in, kheu phuk lai sigang khri cao jhai khankix, awm pa khaw mai lox tawm jhawm krai Siyiex leeing ju, pa hoik kieh tawng ka ceu pui khawmuik, sonsang koe krax cu nghiet pa dex mai krax yum rhawm, Ka Siyiex pa mawh pa grum krax tawng yung tix kaux khaing, kieh koe min pakngai kheu Yesux Khrit leeing ju liak. Amen.