Popular Bible Verses from ROMAX 1

Share

Grawh grawng nawh, ang aux kaig tua kheu lox bwan gaux rhawm, mawh kheu lox bwan an mawh sibrawm Siyiex, son can pui pa yum rhawm ku kaux sang hoek krax taoh, son pui Yudax ka paox tix mai khawm son pui Helasax heue.

Grawh grawng nawh pa rahsee Siyiex plak sidawng ka daux lox bwan an, kheu krax yum rhawm, sonsang yum rhawm, awm hoik tiiem ti deuh ah nin, “Pui pa rahsee tak sang im kheu krax yum rhawm heue.” Siyiex Song Rhawm Ka Pui Ang Rahsee

Grawh grawng nawh ceu pa ang chix yaox cie Nawh Cao, tom yam jah ti kaw ti phan haktiex dix, pa mawh sibrawm leeing ju, cie Nawh mai pa mawh Nawh leeing ju, pon ti yaox sidawng, kheu pon ti yaox ka daux ceu pa hoik yuh Nawh Cao, mawh kheu nan ang kix koe dee du grawng phimap tix

mawh kheu viang kix hoik tawng ka Siyiex kawx, kix ang yaog yaw Nawh ting, awm pa khaw kix ti yaog yaw Siyiex mai ang kix deeh yaog yaw bwanson Nawh mai kix lih ti mawh pa ang koe bwanson ka daux ceu pa keud tix mai rhawm pa sivix pa ang kix chix tawng hoik vhaik hu heue.

Mawh kheu kix hoik loh pa mawh meh Siyiex ka son pie lhen mai krub mai yuh son ceu pa hoik phan hoik yuh mai ang krub ang yuh son Cao Phan Cao Yuh, Kaw pa koe bwanson leeing ju. Amen.

Grawh grawng nawh pa song rhawm Siyiex plak sidawng khaing raoma, piang pui pa ang nab yam ka Siyiex mai pa ang rahsee khawmuik, pa mawh pa kieh raw ka pa mawh meh, ka daux pa ang rahsee heue.

Mawh kheu jao in Siyiex tom grham kix yuh alo nex nham pa seeing, grawh grawng nawh bun kix khankix deeh loh ceu pa khaw ti shiao tix awm pa khaw mai been nex nham, tix nieb yuh ka ceu pa ang khaw, mai awm an simex khankix kawx, kix tik been ceu pa khaw ti shiao ka bun mai koe rhawm kraing ka paox tix, tix kaux lai tix kaux mai nieb yuh pa ang doh khaw ka paox simex tix mai son pa lud an kix deeh pon ka daux tokaux kix, awm pa keung kix ti pon heue. Awm pa ang kix rhawm tawng ka Siyiex, Siyiex hoik grham kix koe rhawm pa keud pa ang keung ang khaw, sonsang yuh ceu pa ang khaw ang jiet heue.

Viang kix dhua tokaux kix mawh pa koe pingnya cuyi, kix lih mawh pui daox aw, mai loh min pakngai Siyiex, pa ang chix laux leeing ka son riang grang pa yaung pui pa chix lau leeing mai riang grang yaung sim khankix mai riang grang yaung totiag pa koe caong pon khawn khankix mai riang grang yaung ceu pa chix mu hu khankix heue.