Popular Bible Verses from YAOGYAW 91

Share

Aux krai ka Siyiex ah nin, “Maix mawh dee deuh aux rhawm mai mawh tab aux mai Siyiex pa deuh aux rhawm heue.”

Pui pa ot ka dee pa tiebtie Siyiex, Cao pa ting lhaong khaing khawmuik, tak pon ti ot ka greem veei sibrawm Nawh heue.

Yam kok nawh ka Aux, Aux deeh pawk ka lox nawh heue. Yam yaox nawh krax pa kha rhawm, Aux ot ka plak nawh heue. Aux tak taoh nawh lih mai yaog min plakngai nawh sidawng heue.

Nawh Cao tak tawm lox grawng maix ka kawncau Siyiex khankix, tak sang kia ngien maix, ka daux krax pa hu maix khankix.

Nawh tak teei hauk pruik tix, mai maix yaox ti ot mhawm mhawm ka greem pruik Nawh mai sijax mukheu Nawh mawh kraung naing pa tiebtie heue.

Siyiex eue, Maix mawh dee deuh aux rhawm heue. Maix hoik hoek dee ot Siyiex pa ting lhaong, khaing khawmuik heue. Ceu pa caox caig, ang pon ti hoek ka piang maix mai ceu pa lhat graung ang pon ti dex ka nyiex dee ot maix heue.

Nawh Cao kieh maix luan khaing kie pa hoik taong cao jaw mai saux preng heue.

Viang pui tix rheng kaux goh dex maix mai pui tix mheen kaux goh plak taix khawn dawm maix kawx, tak ang doh pon yuh tidtix ka maix heue.

Maix tak ang koe pa lhat graung ka ceu pa lhat ponsawm mai te pa puing pon singaix mai ang lhat ka Jhawm saux pa hu ka daux pa faik mai jhawm saux pa chix yuh laux yam jung singaix khankix heue.