Popular Bible Verses from LOX KAB 19

Share

Kawn pui chix keud kuceu ka daux rhawm tix, viang mawh nan, mawh krax keud Siyiex khaing pa kaux cong heue.

Pui pa caux rhawm ka pui hot sibhawm, mawh pui pa tawx krax yaog yaing ka Siyiex, Nawh Cao deeh viied bwanson ka pa yuh nawh heue.

Pui pa chix yuh satix, chix gun yeung ka pa song rhawm tix mai pui pa chix gun yeung ka pui pa lud ka tix, nawh koe min plakngai heue.

Nghiet ka lox pa sidiex gau ka maix mai rieb ti teei ka lox pa tawx riang rao, sonsang mawh maix pui pa koe pingnya singaix pa sang hoek sax.

Rhawm pa lhat graung ka Siyiex, mawh pa dex dawd mai pa im ju, pui pa koe rhawm yuh nan, koe krax fah rhawm mai nawh ang yaox krax khi rhawm.

Pui pa pon pingnya khankix, moh ka ju khwan tix, pui pa pon pingnya krax tawng yung kawx, tak pon bwanson pa mhawm heue.

Yam kawn koe bawg yam, sidiex gau ka kawn simex maix awx. Son ang nawh sang hoek krax laux paw lai sidiex nawh ka daux krax caux rhawm.

Pui pa kham sakse pa ang mawh ang meh, ang lai pon tix luan khaing krax ciyang phimap, awm an, pui pie pui lhen khankix kawx, tak hoek krax laux leeing heue.