Popular Bible Verses from LOX KAB 11

Share

Pui pa chix gwieh ti tawx ka pui, nawh tak mi koe heue. Pui pa see rawm ka pui tang kaux, nawh deeh pon bwanson pa deeh see ka tokaux tix heue.

Pui pa gwieh ti tawx ka pui, tak baox deeh koe sinngao mau khri tom nie mai pui pa khrawm ti deuh, baox deeh hot hu ka koe.

Yam ting rhawm, lih mawh krax kaig tua mai pui pa awn rhawm khankix, mawh pa koe pingnya heue.

Phan pui pa koe pingnya ang koe, krax tawng yung, pa chix tawx krax keud gau, pui haktiex khankix, som nai heue. Phan koe cao pa tawx krax keud krax gau tom nie, pon ti luan khaing krax lhat graung heue.

Plix pui pa rahsee, plix nawh mawh num plix pa im ju heue. Pui pa pon ka ju pui khankix, mawh pui pa koe pingnya heue.

Pui pa lailing mai krai lox tom nie, chix plak jhi doh ka ceu pa caw ti mox khankix mai pui pa kaux sijax khankix, chix mox mhawm mhawm heue.

Pui pa chix caux rhawm, nawh chix yuh bwanson ka tokaux tix mai pui caox pui caig chix laklheet ka tokaux tix heue.

Pui pa deuh rhawm ka sinngao mau khri tix, tak som nai heue. Pui rahsee tak awm lhax khaox pa klai jheung jheung heue.

Sinngao kraung khrai khankix, ang chix tawx bwanson singaix bawg yam lih song rhawm ex, phan mawh ceu pa rahsee, chix taoh ex khaing pa yum heue.

Ceu pa rahsee, thong gau ka pui pa rahsee khankix heue, ceu pa kawk vawk rhawm khankix, cha nie luan yuh mai hoek krax laux leeing heue.

Bun pa ang koe satix mai pingnya, viang mhawm grang kawx, awm lig miex pa tauk ih kraung mau khri ka toh meeh nawh heue.

Siyiex seeing ka jiang pa ang khaw, kla jiang pa khaw caw mawh pa khaw rhawm Siyiex heue.