Popular Bible Verses from ISAYAX 65

Share

Ka sivoe sang kok kix, Aux hoik pawk lox kix mai yam tak sikah kix, Aux hoik nghiet kah heue.

Jhak heue, Aux phan raoma pa khraox mai haktiex pa khraox, pa koe glang ka an, tak ang lai deeh doh keud ka mai daux rhawm tak ang lai keud ce kah heue.

Kix tak ang yaox ti yuh kaing ka daux krax pa giex going mai tak ang yaox ti keh kawn nyawm ka daux krax pa kha rhawm heue. Grawh grawng nawh, kix tak mawh doeh ru pa hoik nawb Siyiex bwanson ka piang mai doeh kawn praix kix pa ot tau mai kix heue.

Kix tak sum nyiex mai pui tang kaux tak ang yaox ti ot ka daux. Kix tak sum sipeem plix siiet mai pui tang kaux tak ang yaox ti ih, mawh kheu ju pui Aux khankix tak awm ju khraox mai pui laug Aux tak rheung koe krax pa nyawm rhawm ka kaing yuh taix tix khankix heue.

Kawn ngie peuex pa ang naog singaix tix, tak ang lai koe tan, pui kuad pa ang naog ju kawx tak ang lai koe heue. Grawh grawng nawh, pa yum yam koe ju tix tix yieh num, kawn sawn mawh kawn nyawm, pui phimap pa yum yam koe ju tix tix yieh num kawx, tak sawn mawh pa hoik kham krax pa jhax lawg tix heue.

Sox la mai kawn yung tak sawm tau, sivai sangsi tak ih rib awm mawie, phawng tiex tak mawh pa ih siuing heue. Kix tak ang koe krax mat yuh paox tix mai ang koe krax laux leeing ka piang gawng pa singax singeh Aux khawmuik, Siyiex ah nin heue.

Aux tak gaux rhawm ka veng Yerusaliem mai gaux rhawm ka pui Aux khankix heue. Lox yiiem tak ang lai mhong tix khaix in ka daux veng mai khawm lox pa riag yo heue.