Popular Bible Verses from ISAYAX 6

Share

Aux baox deeh mhong lox Siyiex, pa ah nin “Aux tak sang ploi ka pui mawx? Mawh pui mawx pa sang hu son ex lie? “Khaix an aux ah nin “Aux koe tin, ploi aux hu heue.

Kix tix kaux lai tix kaux kok yo lox tix ah nin, “Singax, singax, singax mai pa mawh Siyiex cao kru naing raoma sibrawm min pakngai Nawh Cao hoik naog ka piang ca haktiex heue.”

Khaix an aux ah nin “Krax kha rhawm koe ka piang aux, krax keud pot ang lai koe son aux, grawh grawng nawh, aux mawh pui pa ang singax siyieb jheeh tix kaux, mai aux ot sinax pui tix cub pa ang koe krax pa singax siyieb jheeh, mawh kheu ngai aux hoik yaox ka Simiang, pa mawh Siyiex cao kru naing raoma heue.”

Ka daux num hoik yum simiang aux hoik yaox ngawm Siyiex ka piang dang ngeung pa lhaong mai hoik yaog ti ot dee lhaong mai sibex dhah Nawh hoik naog ka daux nyiex bwan heue.

Nawh piet moing jheeh aux, ka gaox ngu an ah nin, “Jhak heue, in hoik pied ka siyiep jheeh maix, krax pa lud maix hoik teei ti tik mai hoik pluat ploi phimap maix heue.

Kawncau Siyiex tix cub cung ti ot hawt Nawh, kix tang koe pruik tix kaux liah mu, pruik ra mu tawb ka pakngai, ra mu tawb ka caong mai ra mu mawh sonsang po heue.

Khaix an kawncau Siyiex po ti hoek ka aux, daux taix nawh koe gaox ngu pa kawn cap, pa hoik teei nawh ka sigiiep khaing ka piang khu dee tan heue.

Nawh Cao ah nin, “Hu heue mai krai ka pui ceu in khankix pex mhong kawx mhong mai ang tix tawng ceeix kawx, pex yaox kawx yaox mai ang tix sidawng ka ceeix kawx.

Yuh rhawm rhi ceu pui inkix sivix mai yuh yhaok kix ang hiex mhong mai yip ngai kix phan ang yuh nan, kix tak chix yaox ka ngai tix mai chix mhong ka yhaok tix mai koe krax pa chix tawng, daux rhawm rhi tix mai deeh tieh tix sonsang cox moi heue.