Popular Bible Verses from ISAYAX 58

Share

Siyiex tak thung ka maix sijheeng mai tawx krax pa nyawm rhawm maix ka daux bawg yam kroh kroing mai kaux cong yuh si-ang maix. Maix tak mawh pa awm sipeem pa hoik see tix ka rawm mai awm rawm keut pa lih ang jud ang jai heue.

“Krax twah pa ih pa hoik laug Aux, ang mawh sonsang yuh maox viang ceu pa caox caig khankix bhaw, sonsang tah ti deuh beeh pa cien khankix, sonsang kieh pui pa hoik kham krax yeen ya lih hu mai pa raig maix ti tik khaox glawm ku mu lie? Ang mawh sonsang gwieh maix ti tawx pa ih ka pui pa cai rhawm mai ka pa viex maix pui pa hot pa shia pa mawh pa vu vie ti hoek ka nyiex maix, yam yaox maix pui pa ang koe kraung ceep maix tawx nawh ceep mai ang mox tokaux cao maix khaing pa dex mai nex nham cao maix lie?

Khaix an pa riang maix tak jhan lih awm pa riang plak ponngawb. Krax pai saux maix tak deeh phai moi mai krax pa rahsee maix tak hu plak sivoe maix heue. Min pakngai Siyiex tak mawh pa tieb plak khaix maix heue.”

Yam an maix kok yo mai Siyiex tak pawk ka. Maix riag yo mai Nawh tak ah nin, Aux koe tin. “Phan maix teei ti tik khaox glawm khaing ka daux sigreung maix mai gien taix pa ci tix mai ah lox caox lox caig

phan rhawm maix koe krax caux rhawm ka pui pa cai rhawm mai kieh pui pa kha rhawm khankix, koe krax fah rhawm, pa riang maix tak lih riang ka daux pa faik mai pa faik maix tak lih mawh awm yam jung singaix heue.

Pui pa kaoh khaing maix, tak cox sum dee pa dawg laux. Maix tak yaog ti deuh num riah baux ju didix mai maix tak kok tix mawh, cao pa deeh cox sum guh veng pa hoik laux khankix mai cao pa deeh cox khre krax laux mai dee ot dee koe pui heue.”

“Phan maix ang veeh caong tix hu khaing daux singaix twah mai ang yuh krax pa nyawm rhawm tokaux tix, ka daux singaix singax Aux mai kok singaix twah mawh pa gaux rhawm mai kok singaix singax singeh Siyiex mawh pa koe krax nab krax yam mai tak koe krax nab yam ka Nawh ka daux pa ang maix yuh awm rhawm cao tix mai ang sawg ti yaox ka krax pa nyawm rhawm rhi cao tix mai ang sikah ka gumlox cao tix khankix, maix tak yuh krax gaux rhawm ka daux Siyiex mai aux tak sang kieh maix brug ka piang gawng lhaong piang haktiex khankix mai eei maix ka sinngao keeing maix Yakop, jheeh Siyiex ah nin heue.”

Pex twah pa ih mawh ngie son krax pa simah simiang! mai son krax pa thiang paox tix mai sonsang tawk pui ka lua taix pa caox caig an heue. Awm krax pa twah pex pa ih yuh nin, singaix in, tak kieh lox pex mawh pa ang pon mhong tix piang dee lhaong heue. Krax twah pa ih yuh nin, khex mawh singaix hoik laug Aux pui gun rhawm tix lie? Mawh son pa sang ngum nawh kaing tix, awm lhax priem mai sonsang tawm nawh man chee rhix ka daux nyaox lie? Mawh tak sang kok maix in mawh krax twah pa ih mai mawh singaix pa sang rieb Siyiex ti teei lie?