Popular Bible Verses from ISAYAX 54

Share

Can kraung naing pa hoik yuh tix puing ka maix, tak ang lai koe krax pa chix shiao mai can dak pa hoik yaog ti tieh feen ka maix, ka daux yam pa prawng ca maix tak tat ti tawx krax ciyang ka an heue. In mawh sinngao pa pon siliex Siyiex mai krax pa rahsee kix mawh pa kaoh khaing Aux. Siyiex ah nin heue.

Grawh grawng nawh gawng ting khankix tak gah tix mai gawng iak tak mawh pa yung yiang mai gah tix heue.” Viang mawh nan, krax moh krax rhawm Aux tak ang lai gah khaing maix mai gumlox sijax mukheu pa nhim Aux tak ang lai yung yiang mai gah tix. “Siyiex pa caux rhawm ka maix ah nin heue.

“Paw koe krax khi rhawm heue. Mawh kheu maix tak ang hoek krax kaig tua mai ang pon ti mawh pa laux pakngai, mawh kheu maix tak ang lai mawh pa kham krax salao heue. Grawh grawng nawh maix tak piawm krax kaig tua yam awn ju maix mai tak ang lai koe krax keud ka lox salao yam mawh maix miexmai, khaix in pie tix bawg kawx heue.

Grawh grawng nawh, cao pa phan pa deuh maix mawh mex maix heue. Ceu kaux Nawh mawh Siyiex cao kru naing raoma mai cao pa taoh maix mawh Siyiex pa singax singeh ceu pui Isarelax heue. Nawh tak kok tix mawh Siyiex piang haktiex khawmuik khawm leeing heue.

Yuh dee ot nyiex gox maix vieh va mai nih man tie dee ot dee koe maix lih heue. Paw koe krax lhawk ka liak! Kieh maox maix baox lang mai kieh khaox maix kaux cong heue.

Kawn praix maix tak mawh pa hoik gau Siyiex mai kawn praix maix tak pon krax nhim pa kied ting lhaong heue.

Ka daux krax pa kied song rhawm song rhi, Aux mox plakngai khaing maix tivud ticu, viang mawh nan, ka daux krax moh krax rhawm leeing ju, Aux tak koe krax caux rhawm ka piang maix heue.” Siyiex, cao pa taoh maix ah nin heue.

“Aux tik vud maix tivud ticu khaing, viang mawh nan, ka daux krax pa caux rhawm pa kied ting Aux tak sang khrawm maix hoek heue.”

“In mawh pa awm krax kheem rawm ju Noax ka Aux heue. Awm krax pa hoik tiextu Aux, krax kheem rawm ju Noax tak ang lai baox kheem ka piang haktiex khaix in heue. Awm hoik tiextu Aux, tak ang lai koe krax song rhawm ka maix mai ang lai ah ka maix heue.

Aux tak yuh ka piang guh veng maix khankix ka siang simaox pa raoh mai siviex maix ka siang simaox yi mai guh veng maix khawmuik ka siang simaox pa laoh lie heue.