Popular Bible Verses from ISAYAX 30

Share

Yam veeh maix tix plak dawm ang ah, plak gwiex ang ah, yhaok maix tak mhong lox ka plak khaix maix ah nin “In mawh daux krax mai hu krax in heue.”

Mawh kheu nan Siyiex tak krox jun ti yuh bwanson ka pex mai Nawh Cao tak jhi krax caux rhawm tix ka pex. Mawh kheu Siyiex mawh Siyiex pa rahsee pui pa krox jun ka Nawh Cao tak pon bwanson.

Mawh kheu Siyiex pa singax singeh pui Isarelax ah nin “Phan pex tieh loh tix mai ot yiien yawg, pex tak pon krax taoh, pa ot yiien yawg mai pa een rhawm, mawh riang rao pex.” Mai pex ang cu ka.

Viang Siyiex tawx blah pa kha rhawm mai rhawm pa kham geu ka maix kawx, viang yuh nan kawx, cao gau maix tak ang lai mox khaing maix, viang mawh nan, ngai maix tak yaox ka cao gau tix.

Pui pa ot ka Zion ka veng Yerusaliem eue, Maix tak ang lai baox yiiem tix bawg kawx. Yam mhong Nawh Cao ka lox yiiem pex, Nawh tak caux rhawm ka pex, Nawh Cao tak pawk ka pex yam mhong lox kok pex.

Siyiex ah nin, “Kieh krax kha rhawm koe ka kawn praix pa thiang lox,” “Pui pa tang yuh awm krax keud tix, ang mawh pa kaoh khaing Aux, pui pa yuh paox pie tau, viang mawh nan, ang mawh pa kaoh khaing rhawm rhi Aux, kix baox phimap ka piang phimap.