Popular Bible Verses from ISAYAX 26

Share

Ka pui pa deuh rhawm tix ka Maix, Maix tak priex nawh ka daux krax pa nhim, mawh kheu nawh een rhawm tix ka Maix heue.

Een rhawm tix ka Siyiex leeing ju, mawh kheu Siyiex, mawh dee een rhawm pa kaux leeing ju heue.

Yam ponsawm, rhawm rhi aux sawg ka maix, yam ponngawb khwan aux sawg ka Maix heue. Mawh kheu yam ciyang Maix ka piang haktiex, can pui pa ot ka piang haktiex khankix, tak sang gau grawng krax pa rahsee heue.

Siyiex eue, Maix tak sang tawx krax pa nhim ka son yix, grawh grawng nawh, Maix hoik yuh ti tawx kaing yix khawmuik ka daux yix heue.

Siyiex eue, ka daux krax prawng ciyang Maix khankix, ex hoik krox jun ka son Maix heue. Krax pa koe rhawm rhi yix, mawh son ceu kaux Maix mai son krax pa doh keud ka Maix heue.

Daux krax hu pui rahsee mawh pa rahsee heue. Siyiex pa kied rah kied see eue, Maix hoik cox krax hu pui pa rahsee sidawng heue.

Nawh Cao kieh pui pa ot ka dee lhaong khankix rau ka dee tiiem, veng pa ting lhaong, Nawh Cao yieh laux yeen tiem tom hoek ka tiex, Nawh Cao kieh nawh rau tom hoek ka daux phawng tiex heue.

Siviex veng khankix, sonsang kieh ceu pui pa rahsee mai pa kaux sijax khankix laig heue.