Popular Bible Verses from LIH HU 15

Share

Nawh ah nin “Phan pex cu nghiet ka lox Siyiex leeing ju pex mai yuh pa rahsee sivoe ngai Nawh Cao mai daong yhaok tix ka gumlox pingnyap Nawh khankix mai hawt gumlox beenli Nawh, Aux tak ang lai deuh jhawm saux ka piang pex tix ceu kawx, awm pa hoik viex Aux hoek ka piang pui Ejiptux. Mawh kheu Aux mawh Siyiex leeing ju Cao pai jhawm saux pex.

Siyiex mawh riang rao aux mai lai rhax aux, Nawh hoik mawh krax taoh son aux, kheu Nawh mawh Siyiex keeing aux mai aux tak yaog yaw Nawh ting.

Siyiex leeing ju eue, ka daux siyiex tang ceu mawh mawx pa awm Maix lie? mawh mawx pa kied singax singe pa kied ting min pakngai mai koe krax lhat graung daux pa yaog yaw kah, yuh pa daox am khankix uik.

Daux krax caux rhawm Maix, thung pui pa hoik taoh Maix khankix, hu ka riang rao Maix, ka dee ot pa singax Maix.”

Yam hoek kix ka Mara, kix ang pon nyaux ka rawm pa koe daux Mara khankix, mawh kheu song, mawh kheu nan, ceu kaux dee an, tak kok mawh Mara tom in singaix. Pui khankix deeh baox ngau tan ah nin ka Mose, “Ex sang nyaux patix lie?” Mawh kheu nan, nawh kok yo ka Siyiex leeing ju mai Siyiex leeing ju jhi nawh yaox khaox tix gaw. Yam tik nawh khaox an ka daux rawm, rawm deeh tie kah, Nawh Cao yuh gumlox beenli son kix tan mai Nawh Cao cheuk ti yaox kix tan.