Popular Bible Verses from 1 PETRUX 4

Share

Lheu khaing ku ceu khawmuik kieh koe krax pa nied ti moh paox tix. Grawh grawng nawh krax moh chix tawb kheem phimap tom nie heue.

Awm hoik pon kaux pui mawx kaux pui an totaix, shiao sonsang koe bwanson son paox tix, awm kawncau pa mhawm pa kia pa priex bwanson Siyiex pa nie ceu heue.

Phan pui tix kaux kaux sidiex gau, kieh nawh sidiex gau lox tawm jhawm krai Siyiex heue. Phan pui tix kaux kaux yuh son pui tang kaux, kieh nawh yuh ka daux riang rao pa tawx Siyiex heue. Kheu sonsang koe min plakngai Siyiex ka daux ku ceu khawmuik kheu Yesux Khrit, kieh Nawh koe min pakngai mai sibrawm ku ju leeing ju. Amen.

Viang mawh nan phan pui tix kaux kaux yaox ti kham krax kham geu kheu mawh nawh kawn Khrit, paw kieh nawh koe krax kaig twa kah, viang mawh nan kieh nawh yaogyaw Siyiex ka daux ceu kaux in heue.

Dee sidah ku ceu khawmuik dex sang hoek, mawh kheu nan, priex rhawm tix mai rawg bwan heue.

Pui pa moh aux khankix eue, yam yaox pex ti kham krax kham krax geu awm ngu, pa hoek piang pex sonsang cheu ti yaox pex, paw ce mawh pa khaw ti daox deng kah, awm pa hoik mawh ceu pa daox deng ka pex. Viang mawh nan, mawh kheu mawh pex pa pon ti neuex ka daux krax kham krax geu Cao Khrit gaux rhawm kah, Kheu yam lih bleeh min pakngai Nawh, pex kawx tak kied koe krax gaux rhawm heue.

Paw kieh koe rhawm pa siviien mai kia ngien ka paox tix heue.

Mawh kheu nan kieh kix pa yaox ti kham krax kham geu awm pa khaw mai alo Siyiex, pong ti tawx ju tix, ka daux pa yuh pa mhawm, ka Cao phan Cao yuh pa kaux sijax heue.

Mawh kheu nan awm Khrit hoik kham geu ka daux nex nham, tokaux pex kawx, rien kraung naing pa mawh rhawm pa awm an heue. Grawh grawng nawh kaw pa hoik kham geu ka daux nex nham, ang lai deeh yuh phimap heue. Kheu pex tak ang baox deeh ot ka daux bawg yam pa hawt pex alo nex nham pa koe kawn pui, viang mawh nan hawt ti yuh alo Siyiex heue.

Phan pex yaox ti kham pa ang cee ang cak kheu ceu kaux Cao Khrit, pex ting bwanson, mawh kheu Khuan ting min pakngai, pa mawh Khuan Siyiex ot piang pex heue.