Popular Bible Verses from 1 KAWRINTHUX 15

Share

Mawh kheu nan puxaik pa moh aux khankix eue, kaux cong, paw kieh chix gah greed mai nied ti yuh kaing Simiang ku jheung jheung, mawh kheu tawng pex grawng kaing pa yuh pex ka daux Simiang ang lai mawh pa giex going heue.

Yaog yaw bwanson Siyiex, pa hoik tawx ex pex kheu Simiang ex Yesux Khrit heue.

Paw kieh pie ka tokaux tix, ceu pa yuh paox pie ka pa caox caig, chix kieh been pa yuh pa mhawm laux heue.

Mawh kheu bwanson Siyiex aux pon ti mawh, awm pa mawh aux mai bwanson cie Nawh pa hoik tawx ka aux, ang lai kieh mawh pa giex going, viang mawh nan aux hoik nied ti nie lheu blon yuh khaing kix khawmuik, viang mawh nan ang mawh aux pa yuh, mawh bwanson Siyiex pa ot tau mai aux pa yuh heue.

“Pa yum eue, pa pex maix koe dee mawx? Pa yum eue, nyeeig maix koe dee mawx?” Nyeeig pa yum mawh phimap mai sibrawm mawh lox lai beenli heue.

Jhak heue, aux tak sang krai ka pex, lox pa raux pa mox tix ceu. Ex can pa koe khawmuik tak ang lai laig it, ex khawmuik tak sang tieh loh, Ka daux ti vud khaing, ka daux ti khiep ngai khaing, yam phlu teet tawng bawg ghoik khaix heue. Grawh grawng nawh tak sang phlu teet tawng mai tak sang deeh kieh pa yum kaoh, ka pa ang chix cux sium mai ex tak sang tieh sang loh kah heue.

Grawh grawng nawh, mawh kheu krax yum hoik hoek kheu pui tix kaux, viang ceu pa deeh kaoh im khaing krax yum kawx, hoik hoek kheu Pui tix kaux heue. Grawh grawng nawh, awm yum pui khawmuik ka daux Adam, awm an tak sang kieh pui im khawmuik ka daux Cao Khrit heue.

Grawh grawng nawh ceu pa cux sium in tak sang ceep ka pa ang chix cux sium mai ceu pa chix yum in tak sang ceep ka ceu pa ang chix yum heue.

“Grawh grawng nawh, Nawh tak sang giex kaing tom sidah hoik kieh Nawh pui pa koeng ka Nawh khawmuik, ot greem caong Nawh heue.” Ceu pa koeng pa tak sang yuh laux ghoik khaix paox tix mawh krax yum heue.