Popular Bible Verses from Apocalipsis 21

Share

Ire kusu ni ronojel uwa'al kiwach; k-on na chi nti chik kamik, nti chik o'ej, nti chik i b'is, nti chik i sik'inik, man ronojel ni'pa o te'eq ujer ya nti chik, ya xik'awik.” Keje ile xub'ij i tzij chi xch'aw chikaj.

Are uri, i jun chi kul pa kub'ib'al chi o u'ij xub'ij: “Yin, wo'or kin-an ni k'ak' che ronojel ni'pa i olik.” Xaq xub'ij: “Chatz'ib'aj i tziji chi kinb'ij chawe, man lik qatzij, lik utz kakub'a ak'ux che.” Xcha.

Xinta jun nim laj ch'awb'al chi xpe pa kub'ib'al chi o u'ij chi xub'ij: “Chita pe', wo'or kjeqi i Dios ku' i winaq. Kjeqi ni ku', man lik kraj k-on uwinaq ire chke. Lik are i Dios kk'iji ni ku', xaq lik are Ire ki-Dios na.

Te'uri xub'ij chwe: “Ya xutzinik. Yin in uxeb'al ronojel i olik, xaq yin in k'isb'al re che; in pacha i keb' tz'ib' A xaq Z.” Pachin i kk'atik, yin kinya che kutu' ni uya' pralaxb'al ya re i k'aslemal, lik kintz'onoj ti rajil.

Keje uri ile, pachin kuch'ak i ucho'ab' i utz taj le, kya' ni ri pacha kuxtab'al che, ire lik wak'al yin, xaq lik yin in u-Dios.

Xwiri, ni'pa i kkixij kib' che i terejik chwij yin, ike ke'e pa a' chi kjuluwik pacha uwi mar kjuluw rumal asufra. Xaq chila ke'e wi jub'an chi kikojom ti intzij; xaq keje jub'an chi utz ti u'anom kik'aslemal; xaq keje i jub'an chi ki'anom i kamik; xaq keje jub'an chi kki'an i ch'am taj ru' kich'akul, xaq keje jub'an chi kki'an i itz; xaq keje jub'an chi kkikoj u'ij i kitiox chi xaril antalik; xaq konojel i je ajt'oronel. Is ke'e pa a' chi kjuluwik pacha uwi i mar kjuluwik rumal i asufra. Ile are ukab' kamik. Keje xub'ij i jun ile chwe, chi kul pa chom laj kub'ib'al.

Te'uri xwil jun kaj k'ak' xaq i jun jyub' ta'aj k'ak', man i nab'e kaj xaq i nab'e i jyub' ta'aj xsachsax kiwach xaq keje i mar lik xsachsax uwach.

Te'uri yin, chi in ma Wan, xwil i lo'laj tinimit chi are i k'ak' Jerusalén. Ktijin li uqajik chikaj, lik ru' i Dios ktijin li upetik. Lik chom ni uyijb'axik antalik, pacha k-on jun ali lik uwiqom rib' are kk'uli'ik.

I tinimit le, nti uchak i utzunb'al i ij che, xaq mitene utzunb'al i ik', man are i utzunb'al i Dios k-anaw saq che, i ukantil are i jun chi Chij kb'ix che. I nimaq taq tinimit chwach i jyub' ta'aj, lik keb'in ni uri chwach i saq re i tinimit le. Xaq i nimaq taq ajawinelab' re uwach i jyub' ta'aj, lik kkijach ni kib'eyomal che i tinimit le.