Popular Bible Verses from Josu%E9 10

Share

Xtak'i uri i ij xaq i ik', k'a xetiki ni i aj Israel chkich'akik i je ajch'oj chkij. Ile tz'ib'tal chupam uwuj i ma Jaser. Keje x-on i ij ile, xtak'i chwa kaj lik xuyin ti rib', laj jun ij.

I Ajwal che i ij le xeujach i aj Hamor pki'ab' i aj Israel, are uri ma Josué xutz'onoj che i Ajwal chkiwach konojel i winaq chi: Ktak'i i ij puwi i tinimit Gabaón, xaq i ik' ktak'i puwi i ta'aj Ajalón.

Mijuyak chuxe'el xaq mijuyak chrijil uk'ulmam taq ile, chi i Ajwal kkojon taq che utzij jun winaq, chi ktak'i taq i ij xaq i ik' rumal. I Ajwal xu'an ile man kch'ojin chkij i aj Hamor chi je ajch'oj chkij i je aj Israel.

I Ajwal xub'ij che ma Josué: “Maxij awib' chke man Yin keinjach pa'ab'; mijun chke ike ktiki chach'akik.”

Are uri ma Josué xuya ukowil kik'ux i kaj-atzil achiyab' chi je yij che i ch'oj xub'ij chke: “Mixij iwib' xaq mi'an keb' che ik'ux, xa chikowij ik'ux xaq chikowij iwach, man keje ile k-on i Ajwal chke konojel i je ajch'oj chiwij.”