Popular Bible Verses from Josu%E9 1

Share

Inb'im ti b'ari chawe chi chakowij ak'ux xaq lik chakowij awach. Maxij awib' xaq mb'a'krij ak'ux man Yin chi in Awajwal Dios in o awu' xaipa kat-e wi; keje ile xub'ij i Ajwal che ma Josué.

Arewi chawajlaj uwach intzij inpixab', xaq mamayij ub'ixkil, lik are ile chach'ob'o chipa'ij chicha'ab', xaq cha'ana ronojel wach i kub'ij, man keje ile ronojel ni'pa i ka'ano, katel ni utz ru'.

Pacha xinb'ij chawe, xwi chakowij ak'ux xaq chakowij awach, xaq chatkojon che ronojel i atb'al tzij chi uya'om kan etz mam Moisés chawe, chi wajchak, majek' awib' che i atb'al tzij le, mitene pa wiqab'im xaq mitene pa moxim, man xwi keje ile katel utz uri ru' xaipa kat-e wi.

Ronojel ij re ak'aslemal mijun uri katuch'ako, keje pacha rok'axik etz mam Moisés xin-ano xaq keje awok'axik yet ile kin-an na, lik katwo'taj taj.

Chakowij ak'ux xaq chakowij awach, man yet kajach ni ulew le chke i winaq, pacha xinsujuj chke kiqajaw kichuch.

Man Yin insujum ulew le che etz mam Moisés, rumali iwe yix ronojel ipa kixik'aw wi.

I wajchak chi mam Moisés kamnaq chik; rumali wo'or, yet keawok'aj intinimit, chiyijb'a iwib' che i axik che i ya Jordán, man kixupon ni che i ulew chi insujum chiwe yix ix aj Israel.

Are kamnaq chik mam Moisés chi rajchak i Ajwal, are uri i Ajwal xch'aw che ma Josué, chi rak'al ma Nun, i ma Josué le chi xaq xterej chrij etz mam Moisés chu'anik i chak, xub'ij che

Kjeqan li uchi' iwulew le pa tz'inilik jyub' chaqij, kupon k'a che i tzam taq jyub' Líbano, xaq kjeqan chali chuchi' i nim laj ya Éufrates, ru' ronojel kulew i je aj Het, k'a chuchi' i nim laj mar Mediterráneo chila puqajb'al ij.

Xapachin kuqel ronojel ataqanik xaq we kkojon ti che i atzij, kkamsax ni uri; yet xwi chakowij ak'ux xaq chakowij awach —xecha che ma Josué.

“Jix chila ipa je o wi i winaq wo'or, chib'ij chke chi chkiyijb'a kiwa man pa oxib' ij panoq kqa'axuj i ya Jordán, man keje ile kojjeqi ni chwach ulew chi kuya i Qajwal Dios chqe. Keje ile xub'ij chke i kaj-atzil aj Israel.”