Popular Bible Verses from Jerem%EDas 19

Share

I Ajwal chi ronojel ktiki che, chi ki-Dios aj Israel, kub'ij: “Kintaq b'i puwi i nim laj tinimit le xaq pkiwi konojel i jub'an chik tinimit chi je o chrij chwach, ronojel ni'pa i tojb'alil chi inya'om utzijol chiwe, man lik i'anom b'uy che iwib' man xixkojon ti che intzij.”

Xwi ta la ile, xaq xki'an k'iyal taq sujb'al sipon, re porb'al kak'al chwach i dios Baal, pacha jun sipon re umuyal uk'ok'al, ile xeintaq ti che xaq xinb'ij ti chke, xaq mitene xik'aw taq jub'i' pinjolom.

Man aj Israel xinko'taj kanoq, xaq xki'an che i k'ijib'al le pacha jun ulew chi etamam ti uwach; chwach ulew ipa xkisujuj wi pom chkiwach i dios, chi keta'am ti kiwach xaq mitene i katit kimam, xaq mitene i ajawinelab' re i tinimit Judá, xaq lik xkinojsaj che i kik' ke i winaq chi nti kimak.