Popular Bible Verses from Isa%EDas 66

Share

¡Man Yin xin-anaw ronojel ni'pa i b'iroxiki, rumali xkitikb'a winaqirik! Yin, chi in Ajwal, xinb'ij ile. I winaq chi kinkoj retalil Yin, are i nib'a' xaq i kb'ison uk'ux chi kuya u'ij intzij.

I Ajwal kub'ij: “I kaj are inkub'ib'al chi o u'ij xaq i ulew are ipa kintak'b'a wi waqan”. ¿Ipa nawi kiyak wi jun wachoch? ¿Ipa nawi ki'an wi jun ink'ijib'al re wuxlanb'al?

Pacha jun chuchxel chi kukub'saj uk'ux i rak'al, keje ukub'saxik ik'ux yix ile kin-an yin, xaq kiriq ni kub'sab'al ik'ux pa tinimit Jerusalén.

Xaq kub'ij i Ajwal: Keje pacha i k'ak' kaj xaq i k'ak' ulew chi yin kinnojij u'anik, lik ronojel ni ij saq uwach, xaq keje ni amuq axikin xaq i ab'i lik ronojel ij saq uwach.