Popular Bible Verses from Daniel 3

Share

—Nti uchak kojlapan chrij iri, xkila'b'ej uwach oxib' alab'om. I qa-Dios, chi kqakoj u'ij, kojuto ni chwach i a' chi kjuluw pa orno xaq chwach ronojel i utz taj chi yet, Nim laj Winaq, kawaj ka'an chqe, xwiri Ire lik kojuto na. Xwiri, tupu ku'an taj, chawetamaj uri yet, Nim laj Winaq, chi kqakoj ti ki'ij a-dios xaq mitene kojxuki taq chwach i nim laj k'exwach an-o'oj.

—Xwiri yin kewil kajib' achiyab' chi je ximom ti chik kemalkat chupam i a' chi lik nti kkik'ulmaj, i ukaj achi keje ktzunik pacha jun ángel.

Te'uri i ma Nabucodonosor xsik'in chub'ixkil: “¡Choksax u'ij i Dios re a Sadrac, a Mesac xaq Abed-nego, chi xutaq li u-ángel chkito'ik ike le chi je rajchak xaq lik je suk'ulik chwach, chi xki'an ti utaqanik i ajawinel, ike lik are xkaj i kamik chwach i kexuki chwach jun dios chi are ti ki-Dios ike!

Rumali wo'or, yin kinya i taqanik, chi pachin taq jun winaq k'ax kch'aw che i Dios ke alab'omi, lik chmutmaxoq, xaq i rachoch chu'ana ni pacha jut'ub'aj tz'il, xa pa chke tinimit kpe wi, we nimaq taq tinimit, xa pa chke taq ch'ab'al, man lik nti chik jun Dios chi ktonik pacha Ire.”