Popular Bible Verses from 1 Corintios 15

Share

Rumali, ix, wachalal chwach i Cristo chi kixwaj, lik chijikb'a ik'ux; ko chixtak'aloq. Chikowij mas u'ankil uchak i Ajwal. Yix iweta'am chi utz kel i chak le chi kixtijin chu'anik junam ru' i Ajwal.

K'amori che i Dios, man rumal i xu'an i Qajwal Jesucristo, i Dios uya'om chqe chi kojtiki ni che i ucho'ab' i kamik.

Miya iwib' che i t'oronik, moqxa ke'eloq pacha kub'ij jun tzij: “Jun utz laj winaq, we kerachi'ilaj i ne te utz, kusach uri u'ankil i utz”; kb'ixik.

O jub'i' in-ij, lik rumal i rutzil uk'ux i Dios chwe. I rutzil uk'ux chi uya'om chwe, to' ti xuya taq chwe, lik xuriq uchak chwe man yin mas xinchakun chkiwach i jub'an chik apostolab'. Xwiri yin ti xin-anawik, lik are i Dios x-anawik, lik rumal i rutzil uk'ux chwe.

“Yet, at kamik, ¡Lik nti chik pa'ab' ka'an k'ax chqe! Yet, at muqb'al kamnaq, xach'ob'o chi katch'akanik, xwiri xattiki taj.” Keje ile kel chqe, man we nti chik qamak, kojkanaj ti kan uri che i kamik, man i uch'ut i kamik are i mak atzalal. Xwiri ile, nti chik ucho'ab' pqawi man oj o chik pu'ab' i Jesucristo, oj nti chik pu'ab' i ujer atb'al tzij.

Chita pe', kwaj kin-aljinsaj ni jun tzij chiwe chi ujer uwam uwach. Are iri: Qonojel taj kojkamik, xwiri qonojel kjalwachix ni qach'akul che jun jo'taj tan k-antaj ile, are kch'aw i trompet re i k'isb'al ij; xa juntir pacha u'ankil jumutz'aj qab'a'wach, keje k-on qajalwachixik ile. Are kch'aw ni trompet, ni'pa i je kamnaq, kewalij che i kamik, xaq yoj, chi ni'pa i oj k'aslik, kjalwachix ni qach'akul.

Man lik xa rumal jun winaq xok li kamik chqaxol; xwiri, xaq rumal jun winaq xk'un i walijik che i kamik. Lik keje uri pacha i Adán chi konojel kekamik; xaq rumal i Cristo konojel kek'asi chik.

Ronojel i o chqe chi kuch'ij ti naj, o uchak kjalwachix ni ru' ile chi kk'is taj. I qach'akul chi to' kkamik, o uchak kjalwachix ni ru' i ch'akulaj chi kkam taj.

Man i Cristo lik ktiki ni che i ajawinik, k'a kuriq ni ij are kuqajsaj ni kicho'ab' konojel i je ajch'oj chrij. I k'isb'al ajch'oj chi i Cristo kusachsaj ni uwach, are i kamik.