Popular Bible Verses from फिलिप्पिन 4

Share

केले बात की चिन्ता जन करा, लेकिन हरेक बात में प्रार्थना और बिनती करा, परमेश्वर स बता की तुमून कि चैंछो, और उक द्वारा करिना का सब कामून खिन उको धन्यवाद करा।

तब परमेश्वरकि शान्ति, जो आदिमी समझ है बिलकुल भ्यार छै, तुमार मन ओर बिचारून यीशु मसीह में रक्षा करली।

येक कारण हे प्रिय दगड़ियो, तुम अपूनो ध्यान उन बातुन में लगा, जो-जो बात सच्ची, आदरणीय, भलि पवित्र, निकी, और मन स भान वाली, जो बड़िया और तारीफ की बात छन और तुमारा उन बातुन में लाग रून।

मसीह का जरियाले जो सामर्थ मैंस दीछो, उमें मैं सब कुछ कर सकछूँ।

प्रभु में हमेशा खुश रौ। मैं फिर कुछूँ, खुश रौ!

और म्योरो परमेश्वर ले अपूनो उ धन का अनुसार जो महिमा सहित मसीह यीशु में छै तुमेरि हरेक कमी पुरो करोलो।

तुम लोगून ले मैंथैं सिखछै, ग्रहण करछ्य, सुणछै और मैंमें देखछै, उनार अनुसार चला, तब शान्ति को परमेश्वर तुमार दगाड़ रलो।

सब लोग तुमोरो दीन स्वभाव स जाण जून। प्रभु को वापस उनो नजिक छै।

मैंस पत्तो छै कि थ्वाड़ा हुन में और जरूरत है ज्यादा हुन में कसीकैं जीन चैछो। मैंले हर हाल में खुश छूँ, जब म्यारा पास खान खिन भौत कुछ हुछो, और जब म्यारा पास खान खिन भौत थ्वाड़ा हुछो द्वीवै हाल में रून सिख हैछ।

इसो नाहातिन कि मैंस कभै जरूरत छी, क्याखिनकि मैंले सिखीना को छै कि म्यारा पास जो कुछ ले छै उमें खुश रून छै।