Popular Bible Verses from फिलिप्पिन 2

Share

अपून फैदा खिन और घमण्ड में केले जन करा, लेकिन जतुक समान तुम अपूनो आप स दीछा उ है ज्यादा सम्मान दुसरान दी। हरेक अपूनी भलाई खिन नै, ले दुसरा की भलाई की ले फिकर करा।

जसो यीशु मसीह को स्वभाव छ्यो ऊसोई तुमोरो ले स्वभाव हो

हालाकि मसीह परमेश्वर छ्यो, फिरले उले परमेश्वरा का बराबर हुना को अपून अधिकार बनायी राखून ठीक नै समझयो। लेकिन उले अपून आप स इसो शून्य कर दीछ और एक आदिमी बन ग्यो। और आदिमी का रूप में आभेरन अपून आप स दीन करछ्य, और परमेश्वरा का हुकमून मानून खिन उ मरून खिन ले तैयार छ्यो, या तक कि सूली की मौत एक अपराधी की नियाति सह लीछ।

क्याखिनकि परमेश्वरई छै, जो तुमूनै में काम करूनमर्योछ, तुमून उ करना की इच्छा और ताकत दीनै रियोछ जो ऊस खुश करछो।

येक कारण परमेश्वर ले ऊस सबून है ऊची पदवी दीछ, और ऊस उ नाम दीछ जो सब नामून में महान छै, जो स्वर्ग में और धरती में और जो धरतीका तलि छन; उन सब यीशु का नामोको सम्मान करून खिन घुणा टेकाला, और पिता परमेश्वर की महिमा खिन हरेक अपून मुँख ले यो मान ले कि यीशु मसीह प्रभु छै।

सब काम बिना कुड़कुड़ाई और बिना बहस करा; ट्याड़ा और बेईमान लोगून ले भरिना का संसारा में तुम परमेश्वरा का निकी सन्तान नियाती निर्दोष और साफ सुथरो जीवन जीया, और जिनारा बीच तुम जीवनो को बचन लीभेरन यो संसारा में जलीना का दीया नियाती दिखाई दीछा

येक कारण हे प्रिय दगड़ियो, तुमून ले हमेशा म्यारा हुकुमून को पाल करछ्य, जब मैं तुमार दगाड़ छ्यू। अब जब मैं दूर छूँ, त यो और ले जरूरी छै, कि तुम परमेश्वरो को डर मानून और काँपूनै अपूना उद्धारा कामून करून चैछो, जो उन लोगून खिन ठीक छन, जिनून परमेश्वर ले बचा लीछ।