Popular Bible Verses from 1 थिस्सलुनीकियों 4

Share

उक बाद हम जो उ दिन तलक ज्यून रूला, उक दगाड़ बादलून में उठाई ली जूला, कि हम प्रभु यीशु का दगाड़ आकाश में मिलला और तब भटे हमेशा खिन प्रभु का दगाड़ रूला।

क्याखिनकि प्रभु यीशु खुद स्वर्ग भटे तलि उतरोलो; उ बखत जोरले आवाज दीभेरन हुकुम द्योलो और एक प्रधान स्वर्गदूत जोरले आवाज दीभेरन बोलोलो और परमेश्वर की तुरी फूँकी जालि; और उ बखत जो मसीह में विश्वास करभेरन मर ग्यान उन पैलि ज्यून होला।

पिता परमेश्वरे की इच्छा यो छै कि तुम पवित्र बना और व्यभिचार भटे बचभेरन रया। और तुमून में भटे हरेक अपून शरीर की इच्छान काबू में राखू सिखा, और ऊस पवित्र और आदर का योग्य बना।

अगर हम विश्वास करनू कि यीशु मरिभेरन फिर ज्यून भ्यान, तो उसीकैं परमेश्वर उनून जो यीशु में मरि ग्यान परमेश्वर उनून फिर ज्यून करोलो, और यीशु का दगाड़ स्वर्ग में वापस ली जालो।

जसीकैं हमूले तुमून हुकुम दी रैछ, उसीकैं तुमून शान्तिपूर्वक ले जीवन जीनो चैछो, और अपून-अपून काम-काज में लाग रौ, और मेहनत करभेरन कमूना की कोशिश करा।

क्याखिनकि परमेश्वर ले हमून अशुद्ध जीवन जीन खिन नै बल्कि पवित्र जीवन जीन खिन बुला रैछ।