Popular Bible Verses from 1 कुरिन्थियून 15

Share

येक कारण हे म्यारा विश्वासी भाईयों, अपून विश्वास में मजबूत रौ और गलत शिक्षान का द्वारा जन भटका, प्रभु खिन जो काम तुम करछा उमें हमेशा बढ़नै जा। क्याखिनकि यो जाणछा, कि जो केले तुम प्रभु खिन करला उको ईनाम तुमून जरूर मिलोलो

लेकिन परमेश्वरो को धन्यबाद हो, जो हमार प्रभु यीशु मसीह ले हमून खिन करिना को छै उक द्वारा परमेश्वरे ले हमून पाप और मौत में जीत दीछ।

जो लोग इसकैं त बात करनान उनार द्वारा बेकुफ जन बना, “बुरी संगति निको चरित्र स ले बिगाड़ दीछी।”

लेकिन आज मैं प्रेरित छूँ त उ परमेश्वरो को अनुग्रह छै। और उको अनुग्रह जो मैंमें भ्योछ, उ बेकार नै भ्यो लेकिन मैंले और प्रेरित है ज्यादा मेहनत ले करछ्य यो ले म्यारा तरफ भटे नै भ्यो लेकिन परमेश्वर अनुग्रह ले म्यारा द्वारा काम करून मरैछ्यो।

उसीकैं यो ले पुर होलो, जो पवित्रशास्त्र में लिखीना को छै, “हे मौत काँ छै तेरि जय? हे काँ र्यो तेरो डंक? इसीकैं पवित्रशास्त्र में जो लिखीना को छै उ पुरो होलो।” क्याखिनकि पाप इसो डंक छै जैको नतीजा मौत हुछी, और नियम-कानून पाप स अपूनी शक्ति दीनान।

सुणो, मैं तुमूनथैं भेद की बात करछूँ, कि हम सब विश्वासी नी मरला, लेकिन हम सबून को रूप बदल जालो। यो अचानक होलो, इतुक जल्दी ले जतुक देर कोई अपूनो आँख की पलक झपकून में करछो। जब आखरी तुरी बजाई जालि, त जो लोग मर चुक ग्यान उन हमेशा खिन जीवन जीन खिन दुबारा ज्यून करि जाला और हम जो ज्यूना छा, हमार शरीर बदल जाला।

त तुम देखछा, कि यो संसार में मौत पैल आदिमी आदमाक द्वारा आछ, और उसीकैं मरिनान में भटे ज्यूनो हुन में ले एक आदिमी मसीहक द्वारा शुरू हो ग्योछ। सब मरनान क्याखिनकि हम सबै पैल आदिमी आदमाक वंशज छा। लेकिन उन सब जो दुसरा आदिमी मसीह में जुड़िनाक छन, उनून नय्या जीवन दीई जालो।

क्याखिनकि हमोरो यो शरीर जो आसानी ले मर जाछो और सड़ जाछो, ऊस एक इस शरीर में बदली जानो चैछो जो नै कभै मरूनो और नै कभै सड़नो।

मसीह स उ राज्य में राज करूनो चैछो जब तक कि परमेश्वर उक सब दुश्मनून पुरी तरीका ले हरा नै द्यो। जो दुशमनश सबून है आखरी में नाश करि जालो उ मौत छै।