Popular Bible Verses from Tito 1

Share

Ennemyeryerya wi ennamusuwela Muluku, nyenya ni miteko aya ennamukhócha Yowo, ntakhara ari ótakhalasha, ni óhiwelela, ni va miteko yothene yaphama óhithoriheya.

Sothe sene sinnéla wa yawo enéla murima; nyenya wa yawo ari órípihiwa ni óhiroromela hiwawowo etchu yawéla; nyenya miruku aya yórípihiwa ni yawupusheryáyéne‐ya‐murima.

awákélela masu óroromeleya ntoko mwa mahusiheryo, wi aweryeke olopola m’mahusiheryo órérela, ni wáványa yawo enamvanya.

Ntakhara mulipa‐oweherya onaphwanela wi ahikhaleno murala, ntoko nahota a Muluku; óhikhala awúra, óhákuva onanariwa, óhikhala a nlala, óhikhala a marapwa, óhikhala a nrima notakhala; nyenya ókhovelela wahayiha alecho, ókhovelela saphama, awithoriha, ékhaikhai, awéla murima, awíhíha

mukina ári óhikhalano murala, mulopwana a mwariye mmoha, yowo orinono anamwane óroromela, óhipahula sawawe, nari yowo ohinakhócha wiwelela masu.