Popular Bible Verses from aRoma 6

Share

Vawi yamahala aya ya otcheka ti okhwa; nyenya yamahala yasiyo ya Muluku ti okumi wohimala wa mwa Kristu Yesu Apwiyahu.

Vawi otcheka horwa‐wolamulelani nyuwo; ntakhara hamuri a malamulo nyenya a ikharari.

Ntakhara awe návithiwa mu nihiyeni vamoha ni Yowo mwa obatiso ovolowa mukhwani; wi ntoko Kristu ávíhiwiye wukhwani mu nchichimiho na Atithi, hihá hiyotho nécheke mukumini wahihano.

nave muhiveléle sam’mwílini sanyu wa sotcheka, sikhale mavaka a sohikhala ekhaikhai; nyenya mwíveléle nyuwo mekhinyu wa Muluku, ntoko akumi ekhumale mwa okhwa, ni sam’mwílini sanyu wa Muluku sikhale mavaka a ekhaikhai.

vosuwela ela, wi omutchu ahu wakhalai wáthomeyiwa vamoha ni Yowo, wi mwíli owo wa sotcheka wapahuwe, wi hiyo nihikhaletho akapuro a sotcheka

Hihá nyuwotho mwísálakhanyerye nyuwo mekhinyu ókhwene wa sotcheka, nyenya akumi wa Muluku mwa Kristu Yesu.

Ntakhara awe n’narwa‐nera sheni? N’narwa‐nimwíkhalelaru mu sotcheka wi ikharari sáche? Muhereno hihá hoe. Hiyo yehu n’ri ókhwa m’sotcheka, n’narwa‐nimwíkhalelaru hai mummo?

Hamunasuwela wi wa yawo munivelélanyu anene mekhinyu okhala akapuro awe omwiwelela yowo, munnakhalaru akapuro awe a yowo munamwiwelelanyu; akhweya a sotcheka oya wukhwani, akhweya awiwelela oya wikhaikhai?

Nyenya Muluku athamaliwe, wi nari mwárianyu akapuro a sotcheka, vano mohiwelela ni murima makhalelo ale a ohusiha wiwo mwannyiwanyu iwo; nave mwátaphuliwanyu wa sotcheka, mwákhala akapuro a ekhaikhai.