Popular Bible Verses from aRoma 14

Share

Vawi Omwene wa Muluku honakhala yólya ni yowurya, nyenya ekhaikhai ni murechele, ni otheya mwa Munepa Wawéla. Vawi yowo onamurumela Kristu mu iha onnamutheyiha Muluku, anathamaliwa tátchu.

Vawi nari n’ri akumi, n’nikhalela akumi Apwiya; nari nakhwa, n’nakhwela Apwiya; ntakhara awe nari n’ri akumi, nari nakhwa n’nakhala awawe a Apwiya.

Ntakhara awe ntcharetchare itchu sa murechele, ni itchu sokhomálihana mukina ni mukhwawe.

Ntakhara awe nihithorihanetho mukina ni mukhwawe; nyenya tchiriene thorihani ela, wi mutchu ahiyathi yokwachuliha va’phironi ya munneni, nari yokhumula.

Vawi worempwa, Vava okumi aka oriaya’vo, ani Apwiya, makutha othene enarwa‐ekikokhorela Miyo, Nave malumi othene enarwa‐emwemyererya Muluku. Hihá mutchu mukina a hiyo anarwa‐ílokoherya mulachu awe wa Muluku.

Nave yowo ori óchétcheya mu nroromelo, m’mwakhele nyenya óhivanyihanano hoe.

Wani weyo onamuthoriha mmiravo a mwanene? Yowo annemela nari wuwa wa pwiya’we a mwanene mekhiye. Nave anarwa‐emeshiwa; vawi Apwiya ari aikuru omwemesha.