Popular Bible Verses from aRoma 12

Share

Nave muhiphwaniheryiwe ni makhalelo a vathi vano: nyenya mukhale óthatuwa, mwa oryeheryatho wa murimanyu, wi muróre yeyo eri yokhwela ya Muluku, yaphama, ni yohakalaliha, ni yophámeya.

Ntakhara awe kinnovekani nyuwo, anna, mwa ikharari sa Muluku, wi mveléle míli anyu ephepa yokumi, yawéla, yohakalaliha Muluku, ti othamala wanyu wophwanela.

hakalalani muweheryerya; vilelani m’masóso, lipihani olipiha wolipiha muvekela.

Muhilape yonanara, nyenya ni yaphama lapihani yonanara

Musivelana ni akhwinyu mukina ni mukhwawe musivelane ni osivela weparipari; muhólane ni ochichimihana mukina ni mukhwawe

Osivela ohikhaleno owoka. Ichanano yonanara; akélelanano yaphama.

Waweryeyaka, ntoko munaweryelanyu, khalani mwa murechele ni atchu othene.

Muhikokiherye yonanara, ósiveliwa, nyenya thekelani esara; vawi worempwa, Wunla ekuhu ti waka, Miyo kinarwa‐kikokiherya, ani Apwiya.

muhikhale óyere mu sawera sanyu; khalani amvai m’munepani, rumélani Apwiya

Vawi ni ikharari sovahiwa wa miyo, kinnaléla atchu othene a nyenyu, wi ahisére ópwaha mummo anaphwaneleliye wiséra; nyenya anyiherye mwawiványa mekhiye, ntoko Muluku ákawenliye wa mutchu mmoha mmoha mweryo wa nroromelo.

Muhisere amiruku mwa nyuwo mekhinyu. Muhimukokiherye mutchu mukina yonanara yawakak?-?hana ni yonanara. Upuwelelani khuluwi itchu sochichimiha va mithoni va atchu othene.

Mukhaleno murima mmoha mukina ni mukhwawe. Muhitho?-?kororye itchu sitokotoko, nyenya phitananani ni awiyeviha.

Nyenya mwichaniá avoliwa, omuchelekhele, avoliwa ntchanana, omuwuryihe; vawi vawerano hihá onukumanyerya makhala a moro va muruni vawe.

Aréliheni yawo enohóshani nyuwo; rélihani, muhiwulumele. Theyani ni yawo enatheya; munleke ni yawo enanla.

Vahani sawathowa awéla murima; vakulelakani alecho.

Vawi ntoko m’mwílini mmoha mokhala’mo sam’mwílini sinchipale, nave sam’mwílini sothene iho hasinono muteko mmohamoha; hihá hiyo, na anchiene, n’ri mwíli mmoha wa Kristu, ni sam’mwílini sikhwaya, mukina ni mukina.