Popular Bible Verses from aRoma 10

Share

wi khwino onarwa‐wemyererya m’wano mwá wi Yesu, ti Apwiya, ni nroromelo m’murimani mwá wi Muluku ámvíha wukhwani, onarwa‐ovuluwa

vawi ni murima mutchu onnaroromela okusha’vo ekhaikhai; ni m’wano onnemyererya okusha’vo ovulushiwa.

Hihá nroromelo n’narwa ni ovuwa, nave ovuwa onarwa mwa masu a Kristu.

Vawi yorempwa enihiha, Othene yawo enamuroromela Yowo herwa‐yuliwa muru. Vawi hivavovo ohiyana mYuda ni mHelene; ntakhara Yowo ori Apwiya a othene, anawerela sa muhakhu othene yawo enamwitchana Yowo; vawi, Othene yawo eni yitchane nsina na Apwiya enarwa‐evuluwa.

Nave eni elaleyerye hai, yáhirummwe? Ntokotho orempwaya, Sorerasha tchiri ti inani sa yawo enalaleyerya Mitchaka Yaphama ya itchu saphama.

Nave yawo eni emwitchane hai Yowo yahámuroromenlaya? Nave eni emuroromele hai Yowo yahámwiwalaya? Nave eni yiwe hai vahikhanle’vo mulipa‐olaleyerya?

Vawi Kristu ori makutchuwelo a nlamulo oya wikhaikhai wa yawo othene enaroromela.