Popular Bible Verses from Yakobo 1

Share

Mwére wi ti otheya, annaka, munamorelanyu mu sawehiwa sa miloko miloko; musuwelaka wi wehiwa wa nroromelo nanyu onarúha ovilela.

Nyenya mukina a nyuwo athoiwa miruku, aveke wa Muluku, yowo anavaha othene ni muriméne, ni óhókotchela; nave anarwa‐amvaha.

Munnasuwela, annaka ósiveliwa. Nyenya mutchu akhaleke ówirianasha, awitchálela olocha, óhákuva onanariwa.

Nyenya ovilela okhaleno muteko aya wophameya, wi mukhale óphameya ni óhikhalano murala, óhithoiwaru etchu.

Khalani awerano masu, tahi awiwaru, ni wiwoka mekhinyu.

Óréla ti mutchu yowo onavilela vawehiwa; ntakhara éhiwe, onarwa‐akhela koroa ókumi, yowo Apwiya álakanenliye yawo enamusivela Yowo.

Yamahala yaphama, ni phatamari óphameya sinarwela wirimu sinakhuruwa wa Atithi a omwalela, yowo ahinathatuwa, nari okhalano muruli wa marukunuwelo.

Ntakhara mutchu akhala awiwa masu, ahikhala awerano, yowo onaphwanaphwana ni mutchu awiweherya ethoi awe yoyariwano veweheryo; ntakhara onniweherya mekhiye, avinya’vo, achiwala vavá wi ári awihai.

Omulapa Muluku wawéla ni wohirípihiwa va mithoni va Muluku ni Atithi ti wu, warerya ni ikwásuni, ni anámukhwele muhawa waya, ni wikhapelela mwanene óhirwelihiwa mathepa ni elapo ya vathi.

Mutchu onéhiwiye, ahiloche, Kinehiwa ti Muluku; ntakhara Muluku hanawerya wehiwa ni sonanara, nave Yowo mwanene hanamweha mutchu: nyenya mutchu onéhiwa vava minkhela ya mwanene owo enamurérelaya, emuwoka.

Nyenya munna óhasuwa íthamalele ni otokwene awe