Popular Bible Verses from aHebri 11

Share

Nyenya nroromelo ti ochichimiherya wa itchu hiho sinawe‐heryeryiwa, malipelelelo a itchu hiho sihinoneya. Ntakhara mwawihiha atokwene tiyéreliwaya namona.

nyenya vahikhanle’vo nroromelo hevanaweryeya omuhakalaliha; ntakhara yowo onarwa wa Muluku onaphwanelela ororomela wi ókhala, ni wi ori ókókiherya phatamari yawo enamukhwela Yowo.

Ni nroromelo ti n’narórahu wi ilapo ni sa wirimu sene ti sáryeheryiwaya ni masu a Muluku, mwawihihá wi itchu sawoneya hesápachushiwe orwela mwa sawoneya iho.

Ni nroromelo Abrahamu, ítchaniwiye, tíwelenliye okhuma oya o nipuroni nenlo aniriye arwe ákhele ntoko mikelampa; nave ákhuma ahisuwelaka wiwo áyiye’wo. Ni nroromelo tákhanliye mulecho mwilaponi ya nlakano, yeyo yahári yawawe, anakhala mwipa sa’kuwo vamoha ni Isake ni Yakobo, mikelampa mikhwawe ya nlakano nenlo

Ni nroromelo Nowa, álopoliwiye ti Muluku sa itchu hiho sahákuvale woneya, nave óvaka, támutenkiye mwacheya mtokotoko awavulusherya’mo yawo yári a’mpa mwawe; ni yeyo ávánnyiyeno elapo ya vathi, akhala mukelampa a ekhaikhai yeyo eri ntoko mwa nroromelo.

Ni nroromelo Enoke tákushiwiye wi ahone okhwa; nave háphwanyiwe, ntakhara Muluku ámukusha: ntakhara ahákuvale omkusha, téreliwiye namona wi onamuhakalaliha Muluku

Ni nroromelo Abeli távelénliye wa Muluku ephepa yopwaha ya Kaini, yeyo éreliwiyeno namona wi ári ékhaikhai; Muluku erelaka namona samahala sawe; nave mwawihiha yowo, nari ákhwiliye onnalocharu.

Ni nroromelo Sara yowo ákhenle ikuru sawi arupaleno, mahiku awe epwahile ntakhara támwenriye óroromeleya Yowo ávánenleno owo

ntakhara táweheryeryiye muchetche wokhalano mathipelo, khachiri aya ni mulipa‐otekáya ti Muluku.

Ni nroromelo Mose, annuwale tákhonchiye weriwa mwanawe a mwana mwamuthiana a Fareo; athanla wereliwa sonanara vamoha ni atchu a Muluku, ahikhwelaru sohakalaliha sa sonanara nari vakhani mano; álakhanyerya munyemu wa Kristu wi muhakhu wopwaha marérelo a Aigupto; ntakhara áweheryerya yokokiherya ya phatamari. Ni nroromelo távinnyiye’mo mu Aigupto, ahóvaru esara ya mwene; ntakhara távilenliye wopwaha, ntoko ámmona mulipa‐ohoneya owo.

Ni nroromelo Abrahamu, éhiwiye, támvelénliye ephepa Isake, nave yowo ákhenle malakano ámveléla mwanawe mmoharu

Ni nroromelo Rahabi chapaheya ole tahátolo?-?sheryiwiye vamoha nalipa‐ohiroromeláwo, ntakhara áwákhela alipa‐ohocha mwa murechele.

Ni nroromelo tiyálapuiyaya Emaka Yosherya evira ntoko va mokoni: tiwi a Aigupto yérenryayatho yánéla.

Ni nroromelo ishiri sa Yeriko tisákumuwalaya sirukuryeryiwe mahiku mathanu na meli.

Ni nroromelo ténriyeno Paskha, ni omisa wa nikhami, wi awátolosha anamwane ómwali ahátannye yawo.

Ni nroromelo, Yosefe, akhwaka, táromonliye sa okhuma waya wa anamwane a Israyeli; alamulela sa makhuváwe.

Ni nroromelo Yakobo, ahawelaka okhwa, tárélihaliye anamwane ópíli a Yosefe; athamala ahámenle vasulu va echikopáwe.

Ni nroromelo Isake tárélihaliye Yakobo ni Esau, nari va itchu hiho inórwa.