Popular Bible Verses from 1 Timóteo 6

Share

Wanano ekhocho yaphama ya nroromelo, pharasha okumi wohimala, yowo wítchaneliwá, nave wohemyeryerya wemyeryerya waphama va mithoni va anamona anchipale.

Ntakhara mutathári wa sonanara sothe sene ti osivela wa va’charama; wiwo akina yákhalenlaya minkhela, yáhuwela, eriha nroromelo yihoma ni masóso manchipale.

Nyenya mathamalelo vamoha ni wítchála tanaphwanyeryaya etchu vatokotoko

ntakhara hinákunshe etchu nivolowaka elapo ya vathi, navetho hannawerya orowano etchu n’navinyahu’vo vava

Wálamulele yawo ari amuhakhu m’mahiku yala a vathi vano, wi ehirumiheke, nari ehiweheryeryeke muhakhu wohisuwanyeya okhala waya, nyenya Muluku, yowo ananivaha hiyo sothe sene mwawáchasha, wi nihakalalekeno

Nyenya yawo enatchuna okhala amuhakhu ennamorela muwehiwa ni m’murákhoni, ni m’minkhela minchipale yolosowa ni yawichela, sawihiha ntoko hiho inanéliha atchu mupahuwa ni m’marimélelo.

wi yereke saphama, yáche ni miteko yaphama, ehakalaleke wakawela akina, nave yátáneke; yithukumanyerye mkhataya mathipelo órera a mahiku enórwa awo, wi epharashe okumi‐kumi owo.