Popular Bible Verses from 1 Timóteo 2

Share

Ntakhara vari Muluku mmoha, ni awakiha mmoha véri va Muluku ni atchu, ti mutchu, Kristu Yesu. Yowo ívelénle mekhiye wi akhale wopola mu nipuroni mwa othene

Kinnachényerya nto vopacherya vene, wi yeriweke mathamalelo, mavekelo, mépeseryo, ni othamala, ntakhara a atchu othene; ntakhara a mamwene ni othene yawo enalamulela; wi mukumini mwahu nikhale ómála ni awitchachala vomuchichimiha Muluku, mochichimiheya tchiri.

Va nthowa nenla kinnakhwela wi alopwana awo evekeleke m’mapuroni mothe mwene, ni oweliha mata awéla, ehina‐khalano esara nari wakhulana. Mummotho, athiana yiwarihe mekhaya ni yowara yophwanela, ni wuliwa muru, ni wíhíha; tahi ni mihi óvathanyiwa, ni mivira nari ni iracho, nari malaya a esisapo aya yowalamela; nyenya (yeyo enarerela athiana yawo enemyeryerya omuthamala Muluku), mwa miteko yaphama.