Popular Bible Verses from Looma 8

Share

Bisu liyaabi ti pasi bisiha bibaavangama mu libwe la ba baatondo Nzambi, na ba nde hateele we bu huli kesili a nde.

Eye, me ndi na tadi ti, a hu li na dyambu tso limosi, li luutwala utahula bisu na litondo la nde ve: tso lipfu, tso monyi, tso bapofi, tso bipfumu, tso tangu a loloyi, tso tangu yi yili mu uya, tso matwala ma pila mu pila, tso matwala ma hu yulu, tso ma ŋa toto, tso pasi iloho hi Nzambi havanga, isiha tso imosi utwala utahula bisu na litondo, li Nzambi hamwesi bisu mu Yisu Kristo Pfumu a bisu ve.

Bumosi kaka, Livupu la Ngidi libaaya mu ukumbasa bisu, mu toni ati, bisu lili na ikolili. Buuna, bisu a liyaabi usambila we bu hwafwana ve. Ka Livupu lo mwakulu libaasambila Nzambi mu toni a bisu na nzayiini, yi pasi muutu huveletwala uyaabisa.

Buuna hima lubwelelaani? Tso Nzambi li wa bisu, na utwala uvanga bisu li libi?

Bunuubu, boosi ba baabambana na Yisu Kristo a bubweyaka tsyembili ve.

Manzala ma musunya mubaabita hu lipfu. Ka usalila manzala ma Livupu, hubaava monyi na hyenze.

Ka mu mambu momaana moosi, bisu laafulala mbiingili mu toni a nde wuuna wu atondo bisu.

Me ndi mu utsima ti, utwala uyelemese mapasi ma tangu moyiniiyi na muyusu a hu busu, wu Nzambi humwese bisu pa yalala ve.

Na utwala utahula bisu na litondo la Kristo? Mapasi, minyongi, mbingisili, nzala, pene, busisu vo lipfu?

Na Nzambi wu ubaafundala idongi hi mitima, ubaabangula ma Livupu la Ngidi ubaatondo uvondo. Mu toni ati, Livupu libaasambila mu ba nde, we bu Nzambi ubaatondo.

Ni mu buuna, baatu boosi ba Livupu la Nzambi libaasungaha, bali baana ba Nzambi.

Eye, ba bali mu udyata mu matsimi ma imuutu, bo bubaasalila manzala ma musunya, ka ba bali monyi mu Livupu la Ngidi, bali mu usalila manzala ma Livupu.

Nde wu avelitahula Mwana a nde mwakulu, ka nde ayehuli nde mu bisu boosi, buni nde huveleva bisu byosi itwadi na Mwana a nde?

Livupu la Ngidi libaata imbangi lo mwakulu huli livupu la bisu ti, bisu lili baana ba Nzambi. Eye, tso bisu lili baana ba Nzambi, bisu kaka ni babyalili ba mukobe! Eye! Babyalili ba mukobe a Nzambi. Mukobe wu luukabasana itwadi na Kristo. Ka tso bisu lili mu umono mapasi itwadi na Kristo, bisu kaka sa liba itwadi hutso muyusu a nde.

Boosi ba bali hutsina lituma li manzala ma imuutu, bali baboho ba Nzambi. Mu toni ati, bo a bubaasiingala Mikele mya Nzambi ve, na a bubaatwala tso hoole ve.

Ka byosi bi Nzambi havanga, bili mu ukeele na lehemene, tangu yi Nzambi humwese muyusu a baana ba nde.

Ka, bisu liyabi ti nate loloyi, byosi bi Nzambi havanga, bili mu ubima na umono pasi, we mukaasu nga misoongo.