Popular Bible Verses from Looma 10

Share

Tso we li mu usilasa buuna mu munywa a we ŋa busu bwa boosi ti Yisu ni Pfumu, na tso we li mu usa imiinu mu mutima a we woosi ti Nzambi asuula nde ŋa hati la ba baakwa, we sa yoboho.

Mu toni ati, wu ubaasa imiinu mutso mutima a nde Nzambi ukitula nde wa tsiitsa. Wu ubaasilasa mu munywa a nde, Nzambi uyobolo nde.

Ni mu buuna, imiinu ubaamata mu mambu ma bubaayuha, na mambu ma bubaayuha ubaamata mu mambu ma Kristo.

Ni mu buuna ma baasonehe ma Ngidi mali mu uleele: «Woosi wu ubaasa imiinu mu nde, a humono tsonyi ve.» A huli na lisobosono ŋa hati li Bayudaayo na ba baavele Bayudaayo ve: bo boosi Pfumu mumosi wu ubava busina bwa nde huli boosi ba bubaateele nde. Mu toni ati, Mabaasonehe ma Ngidi mali mu uleele: «woosi wu uteele Pfumu mbila, sa ayoboho.»

Buni milongisi myusoloho tso a batsindihi myo ve? We bu Mabaasonehe ma Ngidi mali mu uleele: «Miilu mya bo mili mi mibwe, bo baana ba bali mu uyaabisa misamu mi mibwe!»

Ka buni bo buuteele mbila huli wu bo baavelesa imiinu mu nde? Na buni bo buusa imiinu hwavele uyuha tsangu a nde? Na buni bo buuyuha tsangu a nde hwavele milongisi?

Mu toni ati, Kristo ni kaluha Mikele mya Moose, mana boosi ba nga imiinu mu Yisu, baba ba butsiitsa ŋa busu bwa Nzambi.