Popular Bible Verses from Filiipo 4

Share

A lihelene mitima mu pasi isiha ve. Ka mu mambu moosi, yabisaani mapondili ma benu huli Nzambi mu masambulu, mu manzayini, na mu pfutili matondo.

Na hyenze hya Nzambi, hi hyalutala buyedi bwosi, hyukeelese mitima mya benu na matsimi ma benu mu Kristo Yisu.

Baana ba ngu, mu umana, nyaha matsimi ma benu mabaakwilala tangu yoosi mu biina byosi bi bili bya mbuli, bi byahwama, bi byasungama, bi byatsyeme, bi bubaatondo, bi bubaasingasala, bi bibwe na bi byahwama mu muyusu.

Me utwala ukunda mambu moosi, mu likumbasa la Kristo wu ubaahwadisa me.

Baani na kinya tangu yoosi mu Pfumu! Me pfutahala: baani na kinya!

Na Nzambi a me uluusa benu mu biina byosi bi benu laavele na byo, we bu hu li busina bu muyusu a nde, mu Kristo Yisu.

Salilaani ndongisili yi benu laayihi na laayaki huli me, mu mambu ma me na mu mbiili a me. Na Nzambi a hyenze, uba na benu.

Nyaha baatu boosi bamono bulembo bwa benu. Pfumu aka bebele.

Me nzaabi ubaaba hutso buyaha, na me nzaabi kaka ubaaba hutso busina. Me anzihi ubaaba na kinya, mu tangu yi me ndi na byudya bi byafwana, napa mu tangu yi me ndi na nzala, tso mu tangu a mvwadu, buve yi limbunga.

Me a handi mu undeele buuna mu toni manzala ma me ve. Mu mbuli, ka mu toni ati, me amiinziha uba mu kinya, tso mu hoole hu me ndi na hwo.