Popular Bible Verses from Mataayi 6

Share

Tswaminaani usaha tsomi Ipfumu hya Nzambi, saani litondo la nde, na titswene Nzambi sa ava benu bisiha mo biina byosi.

Ni mu buuna, a liba na minyongo mu ilumbu hya ngwali ve. Mu tooni ati, ngwali ka ngwali a yo mwakulu. Pasi ilumbu na mapasi ma hyo.»

Yisu abweleele: «Ni mu buuna, me ndi mu undeele benu: A liba na minyongo mu tooni a byudya na byunywa bi benu lili na byo nzala mu idiingu hya benu ve. A liba na minyongo mu tooni bikutu bi benu lili na byo nzala mu nyutu a benu ve. Idiingu hyalutahala byudya talu, na nyutu bele a bikutu ve.

Ka we, ŋa we ubaasambila, koto mu itini hya nzo a we, dibuha munywa a nzo, na sambila Taata a we wu li huuna, ŋa mbuha mo yiina ya tswehi. Na Taata a we wu ubaamono mambu ma we ubaasa mu tswehi, sa asyende we.

Buuna, benu lafwana usambila bunuubu: “Taata a bisu wu li hu mayulu! Nyaha nduhi a we bakiinza. Nyaha ipfumu hya we hibaaya. Nyaha litondo la we liba ŋa toto we hu yulu.

Byudya bya bisu bya kele tsuhu, va bisu byo lolo yiniiyi.

Nyahula mikanu mya bisu, we bu bisu kaka libaanyahula banga mikanu mya bisu.

A nyaha bisu libwa mu malobese ve, ka yobolo bisu mu myoho mya Nga Bubi.” [Ni hya we Ipfumu, na matwala, na muyusu, mu bilima na bilima. Amen.]

Mu mbuli, tso benu linyahuli masumu ma baatu, Taata a benu wu li hu mayulu sa anyahula kaka ma benu.

Monwaani banyunyi baa hu yulu, bo a bubaakuna ve, a bubaakuukaha ve, a bubaaswehe pasi isiha mutso binzunihi ve. Na Taata a benu wu li hu yulu ubaabuungala bo. Ka benu laalutahala bo.

Yisu abweleele: «A likuukaha busina ŋa toto ve, hu misobi na malali bibaatsala, na hu biibi bibaatsala makumba mu uyiba. Ka kuukahaani busina hu yulu, hu hwavele na misobi, tso malali mu utsala, tso biibi mu utsala makumba na uyiba. Mu tooni ati, mbuha yi yili busina bwa we, ni mbuha mo yiina kaka mutima a we ali.»

Yisu abweleele: «Muutu utwala usalila bapfumu boole ve. Tso a buuna ve, nde sa abelele mumosi na utondo wuna, buuve nde sa akatita na mumosi na upenye wuna. Benu utwala usalila Nzambi na mbongo ve.»

Ni buuna, tso Nzambi ubaalwatisa biimbu bi matsyehe bi bili loloyi, na bi bubwaha ngwali hutso a mbaahu, tandisini a benu, nde a huulwatisa benu mwakulu ve? Ki pila bukeehe bu imiinu hya benu mu nde!

Ka ŋa kaka la we la mbahala lili mu uva isiha huli iyaha, nyaha kaka la we la kaasu liveleyaaba hi kaka la we la mbahala lili mu usa. Bungodu mo buuna bwafwana uba tswehi. Na Taata a we wu ubaamono mambu ma we ubaasa mu tswehi, sa asyende we.»

Yisu abweleele: «Kebaani mu ubaasalila butsiitsa bwa benu ŋa busu bwa baatu mu tooni umonehele. Tso ni buuna, benu a luubaha kaluha ŋa busu bwa Taata a benu wu li hu mayulu ve.

Yisu abweleele: «Ŋa benu libaadya ikaandi, a liba na biinzi bya banga lingebe we banga muwala ve. Bo bubaasanza biinzi bya bo, mana baatu boosi bayaaba ti bo ikaandi bali mu udya. Mu mbuli me ndi mu undeele benu: Bo baamiikwabaha musyendo a bo. Ka we, ŋa we ubaadya ikaandi, puupala mutswe a we nyafi, na swaha mbalanga a we, mu uvelemweese huli baatu ti, we ikaandi li mu udya. Ndulu Taata a we wu li ŋaana mu tswehi uyaaba. Na Taata a we wu ubaamono mambu ma we ubaasa mu tswehi, sa asyende we.»