Popular Bible Verses from Mataayi 18

Share

Mu tooni ati, baatu boole buuve baatu batatu bapfuutana mu nduhi a me, me ndi ŋa hati la bo.»

Mu mbuli me ndi mu umbwendeele benu ti, tso baatu boole ŋa hati la benu bapfuuti matsimi ŋa toto mu uvondo pasi isiha, Taata a me wu li hu mayulu sa ava bo hyo.

Buuna, Yisu ateeli mwana a ngebe mumosi, asuusi nde ŋa hati la bo, na aleeli: «Mu mbuli me ndi mu undeele benu, tso benu a lisobi na ukituha we baana ba bangebe ve, benu a luukoto hu Ipfumu hi mayulu ve.

Ni mu buuna, muutu wu alutahala bukuutu hu Ipfumu hi mayulu ni nde wuuna wu ubaakulamana na ubaakituha we mwana a ngebe mo wunuunu.

Muutu wu uyaka mwana a ngebe wa bunuubu mu nduhi a me, ni me nde huuyaka.»

Mu mbuli me ndi mu undeele benu, moosi ma benu luukuta ŋa toto, Nzambi sa akuta mo hu yulu. Na moosi ma benu luunyaangula ŋa toto, Nzambi sa banyaangula mo hu yulu.

Na Yisu abweleele: «Ni buuna Taata a me wu li hu yulu husa mu benu, tso pasi nde mu benu velisa mwana a ngu a nde mu livupu kolo-kolo mu mutima a nde woosi.»

Yisu abweleele: «Ka tso muutu bwisi mu masumu mumosi mu bikenyi mo biniibi, bi bili mu usiila me imiinu, hufulili bubwe huli nde ti bakutalala nde manya li laafulala bunene mu likiingu, na udyamisa nde hu tsina mubu.

Benu buni lili mu utsima? Tso muutu li na kama (100) li madombo, na tso limosi mu mo lidiimbili, nde a humasiisa maku ipfwa na ipfwa (99) ŋa yulu isyelo, na uyene hu uyasaha lindombo li laadimbala ve?