Popular Bible Verses from Málkúsi 10

Share

Ŋ́gɔ́ mé Méŋ‑Ŋiŋnɔŋ wuɔ, mbɔ a lɛɛ́ te eshʉ̄ʼɛ á ŋgɔŋ ega páʼā ŋ́gɛ, mɛ́ efāʼ á mbū yí í. A lɛɛ́ eshʉʼɛ, égɔ́ á ŋgaŋ afaʼ epuɔ menɔŋ, éfaʼ faʼe, tɛ eyá athū nnɛ̄t zí, élɔk ecuʼ atʉtʉ epuɔ.

Yɛɛ́so á pʉ́ʼɛ menēk ntshí ánɛ pɔ́p, ńdé ŋ́gɛ: «Ajʉɔ anu mɛ́t á gɔ etsyāa áa epuɔ menɔŋ, ŋ́ké le á Ndém tsya. Amɔ̄ʼ ajū mīi á gɔ etsyāa á Ndém á té éwú ú. »

Yɛɛ́so á lé á mbū yí ŋ́gɛ: «Páʼ o ó fɛ́ nnɛ̄t ju ŋgyá mé meŋ lā, menēk mú e ezɛ́ʼɛ. Gʉɔ á legʉɔ wu. » Menēk ŋiŋ mɛ́t é lɛ ŋŋáʼa efʉʼ mɛ́t efʉʼ mɛ́t, á tsé á nzem Yɛɛ́so, ńzhɛ̄ne á yí.

Á épúp tɛ́, ndɛ́ʼ ŋiŋnɔŋ á fakne ajū mīi, Ndém mé temte. »

Yɛɛ́so á cʉ á yí, anu zí á pɔŋ á yí, á lé á mbū yí ŋ́gɛ: «Taʼ azō a zɛɛ́t ŋkíŋɛ yīi, o o ghʉ. Gʉɔ eswīŋ ŋgɔŋ etsō cú ntsem, ńdɔ̄k ŋkāp ntswíte wɔ te kuʼ ánɛ azō, éshʉʼ ntsé á nzem meŋ. O ghʉɛ épúp, mbɔ o o shʉʼ ewɛ á kwaʼ lewūʼ á lezēŋ Ndém, á athʉ́ lephū. »

Yɛɛ́so á zɛ́tte á yí ŋ́gɛ: «O kɔŋɔ ŋ́gɛ, meŋ eghʉ̄ páʼ lā á mbū wu ū?» Á gɛ: «Ndi, lɛ ŋghʉ̄ meŋ ezéŋ njʉ́ɔ ejʉʼ. »

Á ka pɔ̄ŋ ŋ́gɛ, a egɔ́ épúp á tsetsɛlɛ pɛ ɛ́. Á gɔ́ áa lɛ, ŋiŋ a nɔŋ ŋkɔ̄ŋɔ á yí á legɔ̄ á mía ŋiŋ á nnɔ pɛ, á cʉ́ʼ ŋgaŋ afaʼ wɛ.

Meŋ a shúŋ á wɛ́ á kwaʼ anuúnē, ŋiŋ a gɔ te véŋ páʼ méŋ agáʼ mɔ́ lā, ŋ́gɛ Ndém mé ecʉ́ʼɛ esáʼa á yí í, mbɔ a te e láʼ ekó á ntē Lefɔ Ndém ɛ́. »

Epuɔ tɛ nzáne pīi pɔ́ é tsetseŋɔ ŋgɔ́ megaŋ mvhɔ, pɔ́ e shʉʼ ecʉ́ʼ mezoknzem. Epi pɔ́ é mezoknzem, e ecʉ́ʼ megaŋ mvhɔ. »

Ndém a le ké ŋgē enɔŋ ŋgɔŋ, ḿbɔ́ á ŋiŋ mbaŋa pɔ́ menzwí. “Melaʼ épúp tɛ́ ŋiŋ mbaŋa a a fú enáŋ tɛ efak nnɛ̄t ánɛ mɔʼɔ́ yi pɔ́ mɛ́ wɔp, égʉɔ ekwɛ́t nnɛ̄t ánɛ nzwí yi. Pɔ́p mémpīa e ekwɛ́tɛ ncʉ́ʼɛ á taʼ ŋiŋ.” Púp, pɔ́ le zéŋ nzɛ́t epuɔ mémpīa á, pɔ́ ecʉ́ʼ á taʼ ŋiŋ.