Popular Bible Verses from Eleabwa 2

Share

Petoro gâ ebe angɔ kpe, “Gho ŋwàʼaŋwàʼ abwaʼ ndzɔn waʼ abwa bɔɔbɔɔ mɔ, nu ndim ene ekumu Yeso Kristo, mbɔʼtye Ngwe dzɛd abwa bɔɔbɔɔ ndzɔn, enyɛrɛ ngɛ, mbɔn yà le etɔ̧ɔrɔ yɛ ma azhwɛɛrɛ pɛ ngɛ.

Abɔ fe bɔnɔ à na nde azhii ma bɛ̀ɛrɛ abwa ebe bèmpwɔnɔntɔm gɛrɛ ma ghɔ Ngwe nè angɔ. Angɔ à na nde gɛ̀rɛ̀ ma tsàʼrà Ngwe afwɔbi.

Azhwɛɛrɛ Ngwe shwe efwɔ akwa angɔ bɔ gimkpaʼ. Angɔ klada sa gà atsoʼ ebɛbɔ aŋu azhwɛɛrɛ Ngwe à gbee angɔ ngɛ.

E sa klikɔ̀ʼ, angɔ zo ega deʼ wɛ â kla zeʼe ekere ngɛ, akwâ kumu ne efùu kamakam nɔ, è shwèere ndɔ yɛ angɔ à me tsɔmɔ efwɔ ngɛ. Éngɛ angɔ zɔ éwu deʼ ma bɛ̀rɛ mwɔ na enɛmɛrɛwù nɔ. Enɛmɛrɛ chɛ sɛʼrɛ àmɔ̀, tɛ̀ʼrɛ àmɔ̀ edɔm ato gho ŋwàʼaŋwàʼ wɛ à mwɔ aŋu ngɛ. Azhwɛɛrɛ Ngwe shwe efwɔ akwa angɔ bɔ gimkpaʼ. Angɔ klada sa gà atsoʼ ebɛbɔ aŋu azhwɛɛrɛ Ngwe à gbee angɔ ngɛ.

Anji na anji, angɔ à na sɔ̀ŋɔ̀ emwɔ ndɔngwe kɛ̀ na ǹtìmi nɔ ma zhiri à nde efwɔ ndɔrɔ àmɔ̀ afwɔbi ene ńtara ǹchwɔ̀ mane egɛnɛ. Angɔ à gɛrɛ na ghɔ Ngwe ene enarataa ǹchwɔ̀, bɔ gimkpaʼ me doʼo ebwa wɛ angɔ à ma le ngɛ, angɔ ma gɛnɛ àmɔ̀. Efwɔ enji gimkpaʼ, Ngwe ma zhiiri ǹtìmi angɔ ene abɔ byɛ â ma bɛ̀rɛ ene Ngwe ngɛ.

Ene enji ngùdu Ngwe gâ kpe ‘Mmɛ yà sàa azhwɛɛrɛ ndza edɔm gho ŋwàʼaŋwàʼ, bwɔaye mane bwɔanɔm mbɔn yà sa sɛ̀ɛrɛ̀ ekɔn ngu, àghobo ndzɔn yà sa le nklamara nchi, enuru bɔ mbɔn yà sa le ntsamara.

Bɔ gimkpaʼ byɛ â me bɛrɛ ngɛ fɔɔ embè é tsɔmɔ afwɔbi gɛ̀rɛ̀ ma gɛ̀bbɛ̀ ela àmɔ̀ gimkpaʼ. Angɔ à na fɛ̀nnɛ eku mane ela àmɔ̀ è gɛ̀bbɛ̀ ekɛb gimkpaʼ àmɔ̀ àmɔ̀. Gho à na nu aŋu engɔ à ma ke ngɛ.

Éngɛ egho wɛ ma bɛ̀rɛ kpe Yeso na Masakɛ kɛ̀ ngɛ yà pwèerè amɔ.’ ”

Etaranchwe yà di̧iri, eta firi sa fàn na anɔm nɔ dye anji nɛŋɛrɛ kɛ́ yɛ Ngwe Masakɛ ma ngo sɛʼ bɔ ngɛ sa zeʼe.